U nervozua me punonjësen e pompës së benzinës, e ndaloi shtylla kur tentoi ta shtype me veturë

Mosmarrëveshja mes një shoferi dhe një punonjëseje të pompës së benzinës, ka mundur të përfundonte me fatalitet

Brandon Bingman është akuzuar për sulm të rëndë, pasi tentoi ta shtypte me veturë, duke i shkaktuar dëme serioze, punonjëses së një pompe benzine në Floridë të Shteteve të Bashkuara, transmeton Telegrafi.

Shoferi 34-vjeçar, u nervozua me të, pasi iu ankua se nuk po i punonte mirë aparati për hedhjen e benzinës në makinë, ndërsa gruaja tij kishte thënë se nuk stafi i lokalit nuk kishin pasur sjellje të mira ndaj saj.

Kur punonjësve hodhi poshtë mundësinë se aparati nuk po punon mirë, Bingman nuk hezitoi që ta voziste Chevy Silverado në drejtim të saj dhe ta shtypte me veturë, por e ndaloi shtylla mbrojtëse. Si pasojë e goditjes së lehtë, punonjësja u përplas për toke por nuk pësoi ndonjë lëndim.

Ngjarja që ndodhi ditë më parë, është nën hetime nga autoritetet e sigurisë, që po përpiqen të zgjedhin në tërësi mosmarrëveshjet mes tyre. /Telegrafi/