LAJMI I FUNDIT:

Twitter me një tjetër ndryshim – sigurimi i llogarisë përmes mesazheve me tekst do bëhet me pagesë

Twitter me një tjetër ndryshim – sigurimi i llogarisë përmes mesazheve me tekst do bëhet me pagesë

Twitter tha të premten se do të lejojë vetëm abonentët me pagesë të përdorin mesazhe me tekst si një metodë vërtetimi me dy faktorë (2FA) për të siguruar llogaritë e tyre.

Pas 20 marsit, “vetëm abonentët e Twitter Blue do të jenë në gjendje të përdorin mesazhet me tekst si metodën e tyre të vërtetimit me dy faktorë,” shkroi kompania në Twitter.

Autentifikimi me dy faktorë, që synon t’i bëjë llogaritë më të sigurta, kërkon që mbajtësi i llogarisë të përdorë një metodë të dytë vërtetimi përveç një fjalëkalimi. Twitter lejon 2FA me mesazhe me tekst, aplikacionin e vërtetimit dhe një çelës sigurie, raporton Reuters, transmeton Telegrafi.

Kompania beson se 2FA e bazuar në numrat e telefonit po abuzohet nga “akterë të këqij”, sipas një postimi në blog të së mërkurës, me të cilin lidhej tweet-i i kompanisë.

Pronari i Twitter, Elon Musk, shkroi në Twitter “Po” si përgjigje ndaj një postimi në Twitter se kompania po ndryshonte politikën “sepse Telcos përdorte llogaritë e Bot për të përdorur SMS-ët 2FA” dhe se kompania po humbte 55.96 milionë euro (60 milionë dollarë) në vit “me SMS-ët mashtrues”.

Shenja blu e kontrollit, më parë falas për llogaritë e verifikuara të politikanëve, personaliteteve të famshme, gazetarëve dhe figurave të tjera publike, tani është e hapur për këdo që është i gatshëm të paguajë.

Muajin e kaluar, Twitter tha se çmimi i abonimit në Twitter Blue për Android do të jetë 10.26 euro (11 dollarë) në muaj, njësoj si për abonentët iOS. /Telegrafi/

Në trend Teknologji

Më shumë
Nvidia bëhet kompania më e vlefshme në botë

Nvidia bëhet kompania më e vlefshme në botë

Teknologji
Edhe kjo ka ndodhur, kemi inteligjencën e parë artificiale që ka kaluar testin Turing

Edhe kjo ka ndodhur, kemi inteligjencën e parë artificiale që ka kaluar testin Turing

Teknologji
Apple thuhet se ka pezulluar zhvillimin e Vision Pro 2 pasi synon të nxjerrë modelin më të lirë vitin e ardhshëm

Apple thuhet se ka pezulluar zhvillimin e Vision Pro 2 pasi synon të nxjerrë modelin më të lirë vitin e ardhshëm

Teknologji
Motorola njoftoi lansimin e një telefon të ri, “për blerësit që kanë kujdes për buxhetin”

Motorola njoftoi lansimin e një telefon të ri, “për blerësit që kanë kujdes për buxhetin”

Teknologji
Samsung, prodhuesi më i madh i telefonave të mençur

Samsung, prodhuesi më i madh i telefonave të mençur

Teknologji
TikTok përballet me një presion të ri nga SHBA-të mbi privatësinë e fëmijëve

TikTok përballet me një presion të ri nga SHBA-të mbi privatësinë e fëmijëve

Teknologji
Kalo në kategori