Tunelet më të gjatë evropianë, mund të keni kaluar në ndonjërin prej tyre

Megjithëse shumica e tuneleve të gjata ndodhen në rajonin alpin të Evropës, tuneli më i gjatë ndodhet në një vend skandinav.

Tunelet janë të pashmangshëm nëse doni të ndërtoni rrugë moderne në zonat kodrinore dhe malore.

Më ju sjellim listën e pesë tuneleve rrugore më të gjata në Evropë, transmeton Telegrafi.

Tuneli Laerdal (Norvegji)

Ai lidh rajonet e Laerdal dhe Aurland në Norvegji dhe ndodhet rreth 200 kilometra nga Bergen. Gjatësia e tij është 24.51 kilometra, dhe është gjithashtu tuneli rrugor më i gjatë në botë.

Puna filloi në vitin 1995 dhe tuneli përfundoi në vitin 2000. Kostoja totale e punimeve ishte rreth 113 milionë dollarë.

Ka 15 vende në tunel për kthimin e kamionëve ose autobusëve. Ajri ventilohet dhe pastrohet. Një fabrikë që heq pluhurin dhe oksidet e azotit nga tuneli është përgjegjëse për pastrimin. Ajri i pastër futet nga të dy hyrjet.

Tuneli Gotthard (Zvicër)

Është pjesë e një kompleksi prej tre tunelesh dhe është i vetmi tunel rrugor në të gjithë kompleksin. Përfundoi në vitin 1980 dhe është 16.9 kilometra i gjatë.

Ai lidh kantonet Uri dhe Ticino në Zvicër. Kalimi nëpër të zgjat rreth 13 minuta dhe shpejtësia maksimale e lejuar është 80 km/h.

Tuneli ka nga një korsi në çdo drejtim dhe në të kalojnë 17 mijë automjete çdo ditë. Tuneli shpesh është i mbushur me njerëz për shkak të trafikut të rënduar.

Po përgatitet një rinovim i madh i tunelit aktual dhe shpimi dhe rregullimi i një tubi tjetër. Projekti duhet të zgjasë deri në vitin 2027 dhe çmimi i tij është rreth 2.7 miliardë franga (2.85 miliardë euro).

Tuneli Arlbert (Austri)

13.98 km i gjatë, ky tunel lidh Tirolin austriak dhe Vorarlberg.

Është ndërtuar nga viti 1974 deri në vitin 1978, dhe çmimi i tij atëherë ishte rreth 4 miliardë shilinga (300 milionë euro). Çmimi i pagesës është 11 euro.

Ai është i pajisur me 4 qendra ventilimi, 43 kamera vëzhgimi trafiku dhe 16 shirita dalës.

Tuneli Frejus (Francë-Itali)

Ndodhet në pjesën veriore të Alpeve, që lidh Francën dhe Italinë. Është 12.89 kilometra e gjatë dhe është hapur në vitin 1980.

Shpejtësia maksimale është 70 km/h, dhe distanca e detyrueshme ndërmjet automjeteve është 150 m.

Tuneli Mont Blanc (Francë-Itali)

Lidhë Italinë dhe Francën. Përfundoi në vitin 1965 dhe është 11.6 kilometra i gjatë.

Fatkeqësisht, njihet edhe për aksidentin e vitit 1999, ku nga zjarri humbën jetën 39 persona. /Telegrafi/