Tuchel zbulon ‘sekretin’ e Harry Kane para ndeshjes në Santiago Bernabeu

Trajneri i Bayern Munichut, Thomas Tuchel ka zbuluar sekretin e sulmuesit Harry Kane, i cili sipas tij pinë shumë kafe të llojit ‘cappuccino’.

Kane po shkëlqen te Bayerni në sezonin e tij të parë, pasi ka shënuar 44 gola në 44 ndeshje në të gjitha garat, duke e vendosur atë si golashënuesi më i mirë në futbollin evropian mbi Kylian Mbappe (43 gola me PSG) dhe Erling Haaland (36 me Man Cityn).

‘9’-shi anglez është golashënuesi më i mirë në Bundesligë dhe momentalisht Këpuca e Artë në futbollin evropian me 36 gola përveç tetë golave ​​që e bëjnë atë golashënuesin më të mirë në Ligën e Kampionëve së bashku me Mbappen.

Lexo po ashtu Reali apo Bayerni? Tuchel tregohet i sinqertë për atë se kush i ka shanset më të mëdha për të kaluan në finale

Ish-ylli i Tottenham Hotspur tashmë e ka tejkaluar sezonin e tij më të mirë ndonjëherë për sa i përket golave ​​(41 me Spurs në 2017/18), duke i dhënë skuadrës së Tuchel opsionin për të ëndërruar trofeun e Ligës së Kampionëve.

“Jam i lumtur që mund të ndihmoj ekipin me golat e mi. Jam i lumtur dhe po e njoh ekipin gjithnjë e më mirë”, ka thënë Kane, i cili po pushton çdo fushë futbolli në Ligës së Kampionëve.

Dhe përpara se të vizitoj Santiago Bernabeun për t’u përballur me Real Madridin në ndeshjen e dytë gjysmëfinale të Ligës së Kampionëve, trajneri gjerman foli për sulmuesin e tij, duke zbuluar një nga ‘sekretet’ e tij.

How many Cappuccinos does Harry Kane drink a day? 🤣

Thomas Tuchel shares all of the secrets ☕ pic.twitter.com/Wxqo8sjxuA

— Sky Sports Football (@SkyFootball) May 8, 2024

“Sasia e cappuccino-ve që ai pi në ditë është qesharake. Është shumë e habitshme. Sa herë që shkoj në kuzhinë, ai është para aparatit të kafesë duke pirë një cappuccino”, ka thënë fillimisht Tuchel.

“Natyrisht, ai është i mirë. Ai duket i shëndetshëm dhe është në formë të mirë. kështu që fillova ta bëj edhe unë”, përfundoi me shaka trajneri gjerman. /Telegrafi/