Tuchel merr vendimin kyç për Kane dhe lojtarët e tjerë të Bayernit pas humbjes ndaj Bochum

Trajneri i Bayern Munichut, Thomas Tuchel, i ka dhënë ekipit të tij disa ditë pushimi për t’u qetësuar pas tri humbjeve rresht.

Bayerni janë duke përjetuar një formë makthi e cila i ka dëmtuar seriozisht shpresat e tyre për të fituar trofe këtë sezon.

Sidoqoftë, pas humbjes shokuese ndaj Bochumit të dielën, Tuchel ka marrë një vendim kyç dhe iu ka dhënë lojtarëve të tij disa ditë pushimi për të qenë pranë familjeve të tyre, ka raportuar Kerry Hau.

Lojtarët nuk do të kthehen në stërvitje deri të mërkurën, kur do të nisin përgatitjet për duelin ndaj Leipzigut që do të luhet të shtunën në “Allianz Arena”.

Lexo po ashtu Zbulohet arsyeja e vërtetë pse Tuchel është pranë shkarkimit nga Bayerni, nuk ka të bëjë me rezultatet

Bayerni momentalisht është tetë pikë mbrapa Leverkusenit në Bundesliga pas humbjes së fundit ndaj Bochum.

Të besuarit e Tuchel janë në telashe edhe në Ligën e Kampionëve pas humbjes me rezultat 1-0 ndaj Lazios në ndeshjen e parë të fazës së 1/8 së finales që u luajt në Itali.

Lexo po ashtu Zinedine Zidane bëhet favoriti kryesor për të zëvendësuar Tuchel tek Bayerni

Këto rezultate të dobëta kanë bërë që pozita e Tuchel të lëkundet dhe janë rritur thashethemet për largimin e tij.

Përveç tij, edhe ylli i ekipit, Harry Kane, ka marrë kritika për paraqitjet e tij së fundmi për bavarezët, përkundër faktit që tashmë ka shënuar 25 gola në elitën e futbollit gjerman./Telegrafi/