LAJMI I FUNDIT:

A do t’u besohet grave udhëheqja e komunave?

A do t’u besohet grave udhëheqja e komunave?
Foto: Arkiv

Partitë politike kanë filluar të bëjnë publik kandidatët me të cilët do të garojnë në zgjedhjet lokale që pritet të mbahen vjeshtën e këtij viti.

Nga pak emrat që tashmë dihen, ende nuk ka gra të cilave partia u ka besuar udhëheqjen e komunave. Shoqëria civile po kërkon nga partitë politike që të kandidojnë më shumë gra në zgjedhjet lokale, sidomos për pozitën e kryetares së komunës.

Pjesëmarrja e grave në zgjedhje dhe nominimi i tyre për të drejtuar komunat, po konsiderohet e domosdoshme. Njësoj edhe ndalimi i praktikes së votës familjare, për t’u dhënë mundësi pastaj grave të kërkojnë votën dhe të dëshmohen në udhëheqjen lokale.

Udhëheqësja e Qendrës Kosovare për Studime Gjinore, Luljeta Demolli thotë për KosovaPress, se fillimi i prezantimit të kandidaturave i ka lënë të zhgënjyer.

“Tashmë është e tejkaluar dhe është qesharake ai argumentimi i partive politike se nuk kemi gra për t’i vendosur si kandidaturë për zgjedhje lokale, nuk është e vërtetë, veç e shohim tash krejt Parlamenti është plot gra të zonja, kemi gra të zonja gjithandej, është absurde një argumentim i tillë, nuk kemi gra me i vendosë, është ajo lidhja vëllazërore, është çështje e biznesit, është çështje e interesave, është çështje e pushteteve lokale, është e votës familjare sepse e kanë më të lehtë të kyçen me atë votën familjare një votë një shtëpi, shkon flet në odë me plakun e katundit, ia siguron votat dhe është krejt e thjeshtë qysh vjen pastaj në ato pushtete lokale, por është shumë keq”, thotë ajo.

Bekim Salihu, hulumtues në Institutin GAP, thotë se partitë nuk po e japin shembullin e duhur duke kandiduar në përqindje më të madheQ burra.

“Faji pse nuk kemi gra në pozitën e kryetares së komunës vije pikërisht për faktin që partitë politike e shpërfillin parimin që të ofrojnë edhe emra grash në listat e tyre për kryetar të komunave sepse në kuvende komunale është për obligim ligjor që të ketë së paku 30% por ky obligim ligjor nuk i detyron tek propozimet për kryetar të komunave, ndërkaq përjashtuar aspektin ligjor, brenda parimeve të qeverisjes së mirë do të duhet që partitë̈ politike të propozonin edhe gra për të udhëhequr me komunat dhe kjo padyshim që do të reflektonte mirë edhe në pikëpamje të imazhit të vendit”, thotë ai.

E Qëndrim Arifi nga organizata INPO, thotë se gratë nuk janë pjesëmarrëse në masë të duhur edhe në takimet për buxhet e dëgjime të tjera të organizuara nga komunat.

“Përveç që është e nevojshme, është e domosdoshme pjesëmarrja e gruas në zgjedhje, pjesëmarrja e gruas në përfaqësime të ndryshme qoftë lokale, qoftë qendrore, mirëpo është e domosdoshme edhe t’i prijë një komune të caktuar një grua…Dimë që pak gra e pak burra marrin guximin të vetkandidohen si kandidat të pavarur sepse këtu është dominonte çështje partiake dhe e ke vështirë të depërtosh nëse nuk je i propozuar ose e propozuar nga një parti politike, kështu që e vetmja mënyrë është të propozohen kandidatet gra nga partitë politike. Ne duhet t’i rrisim standardet e zhvillimit si shoqëri dhe të përfaqësohemi edhe nga gratë në të gjitha sferat”, thotë ai.

Presidentja e Kosovës, Vjosa Osmani gjatë kësaj jave ka takuar partitë politike për konsultim rreth datës së zgjedhjeve lokale që pritet të mbahen në muajin tetor.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori