Tri truke për të zbardhur produktet PVC të zverdhura në shtëpi

Do të riktheni bardhësinë në një minutë dhe do të qeshni kur të shihni sa e thjeshtë është

Sa herë ju ka ndodhur që dëshironi të “ringjallni” plastikën e vjetër, por nuk dini si?

Ka shumë truke shtëpiake që mund ta zbardhin atë dhe ne ju sjellim më të mirën. Para se të dini se si, duhet të jeni të kujdesshëm kur bëhet fjalë për pajisjet elektronike. Është e rëndësishme t’i shkëputni ato nga furnizimi me energji elektrike dhe të mos i lidhni menjëherë pas pastrimit.

Nëse është e mundur, është më mirë t’i çmontoni ato në mënyrë që kutia plastike dhe elektronika të ndahen nga njëra-tjetra. Kështu që ju mund ta zbardhni në mënyrë të sigurt kutinë, ta thani mirë dhe ta rimontoni pajisjen. Lëreni të thahet për një kohë të gjatë dhe vetëm më pas lidhini ato, transmeton Telegrafi.

Këto janë tri truket më të mira për zbardhjen e plastikës:

Pasta e dhëmbëve

Besoni apo jo, mjafton të aplikoni pastë dhëmbësh në plastikë, të lustroni me një leckë dhe ta shpëlani me ujë. Pasta përmban mikrogranula që mund të shkaktojnë gërvishtje të dukshme. Nëse plastika është mat, gërvishtjet nuk duhet të duken, veçanërisht kur bëhet fjalë për një element që nuk e vëzhgojmë nga afër (p.sh. grila e ventilimit). Në rastin e plastikës me shkëlqim, gërvishtjet mund të ndikojnë në estetikën e saj.

Lëng limoni

Shtrydhni limonin dhe mbulojeni objektin me një leckë pambuku – kaq! Lëreni lëngun për disa minuta dhe më pas fshijeni me një leckë të lagur. Sigurisht, nëse është e nevojshme, trajtimi mund të përsëritet. Kjo metodë nuk do të sjellë gjithmonë rezultate të kënaqshme, por në disa raste mund të jetë e mjaftueshme dhe nuk ka nevojë të përdoren mjete më të forta.

Peroksid hidrogjeni

Nëse i lyeni flokët, me siguri e dini për peroksidin e hidrogjenit! Nëse e keni këtë lloj produkti në shtëpi, mund ta përdorni për të pastruar plastikën e zverdhur. Mjafton ta aplikoni në sipërfaqe. Mbështilleni objektin me letër alumini dhe vendoseni në diell. Pastaj, pas një ore, kontrolloni objektin e trajtuar. Vetëm mos harroni se elementët metalikë mund të gërryen nën ndikimin e tij. /Telegrafi/