Trendi aktual i vetullave – vetullat e plota

Vetullat e plota (trasha) janë bërë të famshme nga Brooke Shields viteve 1990 të shekullit të kaluar. Ato tani janë të preferuara nga shumica e bukurosheve të Hollivudit. Por, duhet ditur si të mirëmbahen ato.

I ashtuquajturi "threading", apo shkulja e vetullave me pe, paraqet një metodë shumë precize dhe më pak të dhembshme. Peri antibakterial nga mëndafshi dhe pambuku mbështillet rreth qimeve dhe rrëshqet lehtazi mbi lëkurë.

Preferohet forma natyrore
Çdo femër ka vetulla unike, prandaj mos e ndryshoni formën e tyre me dhunë. Përmbajuni formës natyrore, të cilën mjafton që ta rregulloni dhe mirëmbani.

Përgatitjet për formën e përkryer
Krihni vetullat në drejtim të rritjes së tyre, largohuni nga pasqyra, për të parë cilat pjesë duhet t’i tëholloni. Nuk preferohet rruajtja e majave të vetullave.

Nuanca adekuate e lapsit
Me anë të lapsit për vetulla plotësojeni formën e tyre. Kur ta zgjidhni ngjyrën, përmbajuni asaj që është më e afërt me ngjyrën e vetullave tuaja. Nuancat më të ftohta janë më të preferuara, sepse përshtaten me çdo grim.

Pas lapsit vjen brusha
Lapsin aplikojeni nga këndi i brendshëm kah ai i jashtmi, duke bërë vija të holla. Zbutni ato me anë të brushës, duke plotësuar formën e vetullave, e të mos veni tepër ngjyrë të lapsit.

Në fund – xheli për vetulla
Formën e përkryer të vetullave mund ta mbani gjatë tërë ditës me anë të xhelit për vetulla, që është rezistent ndaj ujit. Me anë të këtij produkti do të zbutni vetullat e egra", duke j ushqyer, në të njëjtën kohë.
/Telegrafi/