Tre gjigantët e Ligës Premier kontaktojnë agjentin e Raphinhas

Barcelona kishte shikuar shitjen e Raphinhas verën e kaluar, pasi ata kërkuan të financonin një lëvizje për Nico Williams. Prania e brazilianit ka rezultuar të jetë një nga vendimet më të mira të marra nga Blaugrana këtë sezon, pasi ai ka shpërthyer duke treguar formë të lartë.

Paraqitjet e mira dhe forma e lartë ka bërë që Raphihna të tërheq sërish interes nga të pasurit dhe klubet elitare evropiane.

Sipas gazetës Sport, Arsenali, Liverpool dhe Manchester City kanë pyetur të gjithë për disponueshmërinë e Raphinhas verën e ardhshme.

Megjithatë, shanset që ai të largohet vitin e ardhshëm përshkruhen si të pakta, pasi është vendosur si një lider dhe lojtar kyç këtë sezon te Barcelona.

Raphinha u zgjodh nga shokët e tij të skuadrës si zëvendës-kapiten verën e kaluar dhe ka 27 kontribute për gol në 24 paraqitje këtë sezon – më shumë se çdo lojtar tjetër i Barcelonës.

Është për t’u theksuar se Barcelona ende po e shikon pozicionin e krahut të majtë si një zonë për t’u forcuar këtë verë, por duhet thënë gjithashtu se shtypi vendas pret që Barcelona të adresojë një kontratë të re për Raphinha verën e ardhshme. /Telegrafi/