Trandevue ngre lart emrin e Kosovës: Fiton çmimin e madh Evropian

Një tjetër sukses për Kosovën në një skenë ndërkombëtare prestigjioze!

Klinika Trandevue është shpallur fituese e çmimit “Klinika më e mirë Evropiane për mbjelljen e flokëve” në ceremoninë madhështore të “The Best European Awards”, e mbajtur në Çırağan Palace, Stamboll.

Ky vlerësim i lartë është një dëshmi e përkushtimit, cilësisë dhe standardeve të avancuara që klinika

Trandevue ofron në fushën e transplantit të flokëve. Në mesin e klinikave më të mira nga e gjithë Evropa, Trandevue u dallua falë kujdesit të personalizuar ndaj pacientëve, rezultateve të shkëlqyera, profesionalizmit të stafit dhe teknologjisë më të fundit në këtë fushë.

“The Best European Awards” është një event i mirënjohur që prej vitesh mbledh në një skenë të vetme personalitete të famshme dhe kompani elitare nga e gjithë Evropa.

Në ceremoninë e këtij viti, përveç Trandevue, u nderuan edhe emra të njohur si Wanda Nara, Orhan Gencebay, Gulben Ergen, Wilma Elles, Ebru Polat, Mujdat Gezen, Halil Ergun, Coskun Sabah, Ivana Sert, Ozge Ulusoy, Ilyas Yalcintas, dhe shumë të tjerë.

Në një garë të fortë me klinikat më të njohura evropiane, Trandevue arriti të triumfojë falë vlerësimeve të larta nga juria, e cila bazoi vendimin e saj në disa kritere kyçe: kujdesi i jashtëzakonshëm ndaj pacientëve, rezultatet e natyrshme të trajtimeve, profesionalizmi i ekipit mjekësor si dhe ambientet moderne të klinikës.

Ky çmim nuk është vetëm një sukses për Trandevue, por edhe një tregues i qartë se profesionalizmi dhe cilësia në fushën e shëndetit dhe estetikës në Kosovë po marrin vëmendjen dhe vlerësimin që meritojnë në nivelet më të larta ndërkombëtare.

Me një ekip të specializuar dhe standardet më të larta të trajtimeve, ky është një hap përpara jo vetëm për klinikën, por për gjithë industrinë e transplantit të flokëve në rajon.