Pas rezultateve të dobëta në fillim të sezonit nga Real Madridi, Julen Lopetegui rrezikon seriozisht të shkarkohet nga detyra e trajnerit të Los Blancos.
Të mërkurën skuadra spanjolle luan ndaj Interit në Ligën e Kampionëve, ndërsa në vikend kundër Barcelonës.
Tifozët duan shkarkimin e tij, disa prej tyre shkojnë aq larg sa që preferojnë që ai të largohet edhe para El Clasicos.
(Foto: Gonzalo Arroyo Moreno/Getty Images/Guliver)
Sipas Marcas trajneri i Real Madrid Castillas (skuadrës së rinjve), Santiago Solari, është favorit për të zëvendësuar ish-trajnerin e Përfaqësueses së Spanjës.
Pas tij vjen Antonio Conte, por edhe trajneri i Belgjikës, Roberto Martinez.
(Foto: Laurence Griffiths/Getty Images/Guliver)
Në listën e Los Blancos është edhe legjenda e klubit Guti, ndërsa nuk përjashtohet edhe Arsene Wenger.
Emra tjerë janë edhe Joachim Low, Michael Laudrup dhe Mauricio Pochettino, por normalisht këtë të fundit janë më pak favorit. /Telegrafi/
