Toyota e re do të prezantohet me 26 qershor

Toyota ka lansuar “teaser-in” e parë zyrtar të modelit të ri C-HR, me “crossover-in” e pëlqyer i cili me sa duket do ta mbajë dizajnin e spikatur të modelit origjinal.

Tashmë kemi një ide të mirë se si do të duket gjenerata e dytë C-HR, falë një numri të imazheve të kapura fshehurazi, por edhe modelit C-HR Prologue, i cili u prezantua në fund të vitit 2022. “Teaser-i” i ri zbulon gjithashtu se C-HR do të bëjë debutimin e plotë më 26 qershor 2023.

Sipas fjalëve të Toyota-s, “ngjarja premierë do të zbulojë një SUV të sofistikuar, kompakt me dizajn të vrullshëm dhe teknologji të avancuar”. Edhe pse imazhi në hije nuk zbulon shumë, ne mund të shohim se makina e prodhimit do të marrë një dritë të re të pasme, të ndryshme nga ajo në konceptin Prologue, e përbërë nga tre vija me “Toyota C-HR” të ndriçuar e cila është e vendosur në mes, raporton Auto Express, transmeton Telegrafi.

Vetura e re gjithashtu është parë duke u testuar në pistën e Nurburgring, ku gjatë këtij procesi u zbuluan edhe shumë detaje të dizajnit. Pavarësisht kamuflazhit të veturës testuese, mund të shihej dizajni i cili nuk ka ndryshuar edhe aq nga koncept vetura Prologue, duke zbuluar proporcionet e njëjta “agresive”.

Pjesa e përparme do t’i ruaj fenerët në formë C-je dhe grilën e madhe të poshtme, të kompensuara nga dritaret e cekëta dhe ajo që ka të ngjarë të jetë një çati me një ngjyrë të ndryshme, dhe pjesa e pasme e cila bazohet në modelet me specifika të larta, siç shihet tashmë në Aygo X të ri.

Modeli i mëparshëm C-HR përmban doreza të dyerve të rrafshuara, me dorezat e pasme të montuara në një lartësi më të përshtatshme. Shiriti i dritës së pasme do të shtrihet përgjatë kapakut më tredimensional të kamionit, me krahët e pasmë me konturë më pak agresive që zëvendësojnë “spoiler-in” e mëparshëm.

Kabina do të ri-konstruktohet tërësisht, megjithëse me një pamje më të përmbajtur të estetikës minimaliste të konceptit Prologue. Pra, prisni një theksim në materialet me cilësi më të lartë dhe një ngritje në teknologjinë e integruar. Kjo do të shoqërohet me një ndjenjë më të hapur në krahasim me interierin disi më “klaustrofobike” të modelit aktual. /Telegrafi/