Luca Toni e ka këshilluar Bayern Munichun që ta zëvendësojë Robert Lewandowskin me sulmuesin e Interit, Mauro Icardi.
Është duke u spekuluar se futbollisti polak do të kërkojë një sfidë të re pas Kampionatit Botëror, prandaj bavarezëve do t'u duhet një sulmues.
(Foto: Getty Images)
"Nëse një lojtar dëshiron të largohet, duhet ta lejoni që të shkojë", ka thënë Toni për Sport Bild.
"Icardi i Interit mund të jetë i përsosur për Bayernin. Është një sulmues i shkëlqyer dhe shumë më i ri se Lewandowski", ka shtuar ish-sulmuesi i bavarezëve.
Sulmuesi argjentinas ka një klauzolë prej 110 milionë eurosh për prishjen e kontratës, ndërsa Bayerni është një prej klubeve të pakta që mund ta paguajnë atë shifër.
(Foto: Getty Images)
Në edicionin e kaluar (2017/2018), Icardi shënoi 29 gola në 34 paraqitje në Serie A.
Nga ana tjetër, Toni e ka bartur fanellën e Bayernit gjatë viteve 2007-2010 duke shënuar 58 fola në 89 paraqitje zyrtare. /Telegrafi/
(Foto: Getty Images)
