Disa tifozë të Arsenalit kanë filluar të humbasin durimin me Gabriel Jesusin pas huqjes së tij të fundit, këtë herë kundër Chelseat.
Braziliani e filloi sezonin në formë të mirë para portës pas lëvizjes së tij verore nga Manchester City, duke shënuar katër gola në tetë ndeshjet e tij të para në Ligën Premier për Topçinjtë. Por, atij tani janë duke i munguar ato dhe situata nuk duket e mirë.
25-vjeçari ka humbur një sërë mundësish të mira gjatë javëve të fundit dhe humbi një tjetër kundër Chelseat në Stamford Bridge me rezultatin që ishte 0-0.
Gabriel Martinelli gjeti hapësirë në anën e majtë dhe harkoi mrekullueshëm te Jesus. Ish-lojtari i Cityt nuk mundi të kontaktonte plotësisht me topin pasi ai i kaloi në mënyrë të dhimbshme mbi kokën e tij.
Jezusi dukej i frustruar me veten në rastin e humbur të madh, ndërsa Martinelli mbeti me gojën hapur dhe kokën në duar.
Dhe ata nuk ishin të vetmit që mbetën të tronditur, pasi tifozët e Arsenalit në mediat sociale shkuan në seksionin e komenteve për të kritikuar sulmuesin e tyre.
Një person tha: "Po humbas durimin me Jesusin". Ndërsa një i dytë shkroi: "Përfundimi i tij ka filluar të bëhet një shqetësim, gjithçka tjetër është fantastike. Sigurisht që golat do të vijnë së shpejti shpresojmë".
Një përdorues i tretë shtoi: "Kjo është arsyeja pse City e shiti atë. Djalë vërtet i mrekullueshëm, i përkushtuar, modest, me shumë talent, por jo një finalizues mjaftueshëm klinik".
Fatmirësisht për Jesusin, mbrojtësi Gabriel i kurseu huqjet e tij në mes të pjesës së dytë, duke shënuar golin e fitores për 1-0 dhe i fitoi skuadrës së tij tri pikë. /Telegrafi/
