Teuta Llalla është kthyer në punë si drejtoreshë e gjimnazit “Kiril Pejçinoviq” në Tetovë

Pasi Ministria e Arsimit ia mori kompetencat Kryetarit të Tetovës për shkarkimin dhe emërimin e drejtorit të gjimnazit “Kiril Pejçinoviq”, sot drejtoresha e shkarkuar, Teuta Llalla ka marrë vendim përmes të cilit është kthyer në punë si drejtoreshë e këtij gjimnazi.

Me këtë veprim të Ministrisë së Arsimit, ajo vlerëson se më në fund erdhi në vend edhe ajo gjatë ditës së sotme nuk ka pasur asnjë pengesë në punë.

“Sot kam marr vendimin nga ana e Ministrisë së Arsimit, jam kthyer në vendin tim të punës pa ndonjë shqetësim pa ndonjë telashe apo provokim, thjeshtë sot kam ardhur të vazhdojë punën ku e ka lënë ushtruesja e detyrës, profesoresha paraprake që ishte drejtoreshë”, deklaroi drejtoresha e gjimnazit “Kiril Pejçinoviq”, për Tv21.

Kujtojmë se vendimin për rikthimin e drejtoreshës Llalla në pozicionin e mëhershëm, Lëvizja Besa e ka quajtur si vendim jashtëligjor dhe aspak korrekt, duke e akuzuar edhe ministrin e Arsimit dhe Shkencës, Jeton Shaqiri se po punon nën direktivat e Bashkimit Demokratik për Integrim.