Tetë simptoma të pazakonta për të cilat as që do t’ju shkojë mendja që tregojnë – shtatzëninë

Ëndrra të çuditshme janë vetëm njëra ndër to

A keni përjetuar diçka të pazakontë në shtatzëni, për të cilën miket tuaja nuk janë ankuar?

Shumica e simptomave të rralla gjatë shtatzënisë janë plotësisht të padëmshme për shëndetin e nënës dhe foshnjës, por fakti që një numër i madh i nënave të ardhshme nuk i përjetojnë ato i bën ato paksa të frikshme.

Shikoni cilët janë ata tregues më pak të njohur, transmeton Telegrafi.

Ëndrrat e shtatzënisë

Ndonjëherë janë aq realiste saqë keni përshtypjen që ajo vërtet ndodh, ndërsa ndonjëherë janë aq të çuditshme dhe bizare saqë, derisa jeni duke ëndërruar, jeni të vetëdijshme që e gjitha është vetëm një ëndërr.

Rrjedhja e hundëve

Për shkak të punës së ndryshuar të hormoneve, mukoza e hundës ndonjëherë fryhet dhe prodhimi i sekrecionit të mukozës rritet.

Gjakrrjedhja e mishrave të dhëmbëve

Gjatë shtatzënisë, qarkullimi i gjakut është më i shpejtë dhe në shtatzëni, nganjëherë ndodh periodontiti, prandaj mishrat janë më të ndjeshëm ndaj baktereve.

Zëri i thellë dhe i ngjirur

Kjo është krejtësisht normale për gratë shtatzëna që t’u ënjtjen kordat e zërit, e cila përkohësisht ndryshon ngjyrën e zërit. Ky fenomen i pazakontë mund të zgjasë deri në lindjen e fëmijës.

Gjakrrjedhja nga hunda

Ashtu si në rastin e rrjedhjeve, ky fenomen i pazakontë ndodh për shkak të ndryshimeve hormonale.

Ndryshimet e lëkurës

Nëse lëkura juaj është më e errët ose e kuqe vende-vende ose keni një vijë të errët (linea negra) në stomak, mos u shqetësoni. Këto janë simptoma krejtësisht normale të shtatzënisë.

Shkuarja e shpeshtë në banjë

Nëse rastësisht lëshoni gazra ose vëreni mospërmbajtje (urinim i pavullnetshëm) ndërsa qeshni, teshtini ose kolliteni, nuk ka asnjë arsye për t’u shqetësuar.

Këmbët e fryra

Kjo simptomë relativisht e njohur mund të jetë plotësisht e padëmshme, por nuk është e pamundur që të jetë një tregues i preeklampsisë. /Telegrafi/