Testi i ri mund të diagnostikoj kancerin e prostatës te personat me ngjyrë

Hulumtimi bashkëpunues midis Universitetit të Anglisë Lindore (UEA), Imperial College NHS Healthcare Trust dhe Oxford Biodynamics zbuloi më parë se tumoret e kancerit të prostatës lënë një gjurmë gjenetike në qelizat e gjakut.

Tani, falë përparimeve në teknologjinë e inteligjencës artificiale (AI), mund të ketë hapësirë ​​për të përmirësuar diagnostikimin e kancerit. Profesor Dmitry Pshezhetskiy, nga Shkolla Mjekësore Norwich e UEA, trajtoi “pabarazinë racore në kancerin e prostatës”, duke deklaruar se “pacientët me ngjyrë kanë dy herë më shumë gjasa të zhvillojnë sëmundjen dhe të vdesin prej saj sesa burrat e bardhë”.

Profesor Pshezhetskiy shtoi: “Kërkimet e fundit tregojnë se ky dallim racor tronditës për diagnostikimin dhe vdekshmërinë e kancerit të prostatës është për shkak të dallimeve gjenetike, por natyra e tyre e saktë aktualisht nuk dihet”.

“Ne duam të krijojmë një test gjenetik thelbësisht të ri, shumë të saktë të gjakut për kancerin e prostatës te meshkujt me ngjyrë, duke marrë parasysh diversitetin e tyre gjenetik”.

Lexo po ashtu Zakoni i tualetit që mund të tregoj se keni kancer të prostatës

“Zhvillimi i testimit gjenetik të përshtatur është me të vërtetë i rëndësishëm sepse marrja e një diagnoze të hershme lejon trajtim më të mirë.”

Profesori vazhdoi: “Shkalla e mbijetesës pesëvjeçare për burrat e diagnostikuar me kancer të prostatës në fazën e parë është 100 për qind, krahasuar me vetëm 50 për qind për ata me kancer të fazës katër”.

Diagnostifikimi i kancerit të prostatës

NHS vuri në dukje se nuk ka “asnjë test të vetëm, përfundimtar për kancerin e prostatës” tani. Testimi mund të përfshijë një mostër gjaku dhe urine, një ekzaminim fizik rektal dhe një skanim MRI.

Doktoresha Naomi Elster, drejtoreshë e kërkimit në Kërkimin e Kancerit të Prostatës, komentoi mbi praktikat aktuale diagnostikuese.

Lexo po ashtu Shtatë shenja të hershme paralajmëruese të kancerit të prostatës

“Ekziston një nevojë reale për një mënyrë të re për të diagnostikuar kancerin e prostatës, pasi testi i gjakut PSA që përdorim aktualisht nuk është aq i saktë sa duam. Dhe teknikat e imazherisë si MRI kërkojnë pajisje të specializuara që mund të mos jenë gjithmonë të disponueshme”. /Telegrafi/