Dita në të cilën u hoq autonomia e Kosovës, pikërisht 23 marsi i vitit 1989, ish-deputetes Melihate Tërmkolli i kujtohej mjaft mirë.
Ajo në një intervistë për Telegrafin tregon se cili ishte statusi që dëshironte të merrte Kosova në ato momente të vështira.
“Kushtetuta e ’74-ës ka garantuar disa të drejta sa i përket autonomisë, të drejta relativisht të mëdha për shqiptarët, ndërsa është tjetër se sa janë zbatuar në praktikë. Edhe më herët lëvizjet e shqiptarëve kanë pretenduar Republikë ose njësi e barabartë me njësitë tjera, sepse ishim popullata e tretë për nga numri në ish Jogusllavi, vetëm serbët dhe kroatët kishin numër më të madh. Kurse kishte statusin e Republikës edhe Sllovenia që kishte numër më të vogël të banorëve se Kosova, edhe Maqedonia si dhe njësitë tjera. Ne u vumë para situatës që me politikën ekspansioniste serbe, të përpiqemi që maksimalisht ta mbrojmë edhe atë autonomi, sepse rrezikohej”, ka thënë ajo.
Tërmkolli ka thënë se në atë periudhë kishin ndodhur ngjarje të mëdha, sidomos në raportet Kosovë-Serbi.
“Përpjekjet e Serbisë për të suprimuar autonominë, për ta futur Kosovën në okupim dhe për të zhvilluar pretendimet e tyre siç u panë më vonë. Pra ishte kohë e rëndë për të gjithë shqiptarët, andaj të gjithë përpiqeshin që të mos bëheshin ndryshime kushtetuese. Ne e dimë shumë mirë lëvizjet e mëdha që ndodhën në atë kohë në vitin ’88-’89, është greva e njohur e minatorëve që bëri bujë në opinionin ndërkombëtar, mandej marshet e mëdha të shqiptarëve që vinin në Kosovë në funksion të mbrojtjes së asaj kushtetute që e kishim fituar me shumë mund ne”, është shprehur ajo.
Ndër të tjera Tërmkolli ka thënë se është mirë që në ditët e sotme të kujtohet ajo kohë që të mos harrohet historia.
“Ajo kohë është mirë të kujtohet në funksion të asaj sa kemi mësuar nga krejt ato pësime që i kemi pasur në gjithë historinë tonë më të re. Është mirë të kujtohet si një lëvizje e mirë e shqiptarëve që filloi dhe kulmoi me vitin ’89 me themelimin e LDK-së, por si paraprijëse ishin krejt ato lëvizje që ishin vënë në funksion të mbrojtjes së interesave të Kosovës dhe qytetarëve, duke e mbrojtur Kushtetutën e 74’ës, dhe duke kërkuar barazi dhe shkëputje në kuptimin e njohjes së pavarësisë. Është mirë të kujtohen në këtë prizmë, dhe të mos na përsëriten gabimet e historisë që jo rrallë herë po përsëritën, sepse me gjasë nuk po dimë ose nuk po duam të mësojmë nga gabimet e së kaluarës”, ka thënë ajo.
Thotë se Kosova është e pavarur, mirëpo thekson se statusi që fitohet duhet ditur si të mbahet.
“Gjendja e pakrahasueshme është sot sepse jemi shtet i pavarur, por ajo çka duhet të marrim mësim gjithmonë është që edhe mund të fitohen statuse, mirëpo edhe duhet ditur si t’i mbajmë. Në fakt po dëshmojmë që jo vetëm që nuk po dimë t’i mbajmë, por përkundër deklaratave, kjo politikë aktuale është duke punuar kundër interesave të qytetarëve. Ne po i shohim raportet me Serbinë, ajo nuk është ndalur asnjëherë të punojë kundër Kosovës dhe nuk do të ndalet edhe kohë të gjatë. Serbia mund të ketë sukses vetëm atëherë kur ne punojmë kundër vetës, dhe kundër interesit të qytetarëve, përndryshe, është dëshmuar që sa herë kemi punuar për interesa të qytetarëve Serbia asnjëherë nuk ka mundur të na dëmtojë”, ka deklaruar ajo./Telegrafi/
Promo
Reklamo këtuLufta Prigozhin - Putin
Më shumëNga Rubrika
Osmani falënderon vendet që po e mbështesin Kosovën për anëtarësim në KiE
Këshilli Prokurorial bëhet “pishman”, anulon vendimin që e mori 10 ditë më parë për transferimin e prokurorit Arben Ismajli
Mitreski – Bomgartner: Maqedonia e Veriut dhe Franca kanë marrëdhënie të shkëlqyera, bashkëpunimi dhe mbështetja e ndërsjellë do të thellohet
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë
Lajçak me post të ri nga shtatori
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët
RTK: Ambasadori Berishaj po intervistohet nga Prokuroria Speciale
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia