Shteti i Serbisë, që nga shpallja e pavarësisë së Kosovës, ka lobuar në vende të ndryshme të botës për të penguar njohjen ndërkombëtare të shtetit tonë dhe anëtarësimin në organizata e institucione ndërkombëtare.
Njohja e fundit që Kosova mori ishte nga shteti i Izraelit më 1 shkurt të vitit 2021, një njohje shumë e rëndësishme sipas shumë ekspertëve të politikës së jashtme.
Por shpesh, numri i shteteve që kanë njohur Kosovën është përcjellë edhe me paqartësi, për shkak se disa shtete kanë qenë të paqarta në vendimin e tyre të njohjes.
Sipas listës zyrtare të Ministrisë së Punëve të Jashtme e Diasporës, Kosova njihet nga 117 shtete.
Në anën tjetër institucionet në Serbi në vazhdimësi kanë pretenduar se disa shtete e kanë tërhequr njohjen e Pavarësisë së Kosovës, por shpesh këto informata kanë mbetur vetëm deklarata politike për konsum të brendshëm në Serbi.
Së fundmi presidenti i Serbisë Aleksandar Vuçiq thotë se edhe katër shtete tjera e kanë tërhequr njohjen e Kosovës, por që nuk ka treguar emrat e këtyre shteteve, dhe kjo nuk është hera e parë e një veprimi të tillë.
Këto deklarata nga kreu i shtetit fqinj erdhën pasi që MPDJ ka dorëzuar aplikimin për anëtarësim e Kosovës në Këshillin e Evropës.
Në të kaluarën Serbia nuk ka ngurruar të përmend emrat e shteteve që ajo ka pretenduar se kanë tërhequr njohjen e Kosovës, por që më pas lajmërimet e tilla janë kontestuar qoftë nga Kosova apo edhe shtetet e përmendura.
Deri më tani Serbia pretendon se njohjen e Kosovës e kanë tërhequr 15 shtete: Suriname, Burundi, Papua Neë Guainea, Lesotho, Comoros, Dominica, Grenada, Ishujt Solomon, Madagascar, Palau, Togo, Central African Republic, Ghana, Nauru dhe Sierra Leone.
Suriname ishte shteti i parë që Serbia pretendoi se ka tërhequr njohjen e Kosovës.
Lajmi ishte dhënë nga ministri i Jashtëm serb i asaj kohe, Ivica Daçiq.
“Tërheqja” e njohjes ishte njoftuar edhe nga mediat e atij vendi si dhe nga webfaqja zyrtare e Ministrisë së Jashtme të Serbisë.
Por lajmi i tillë është tërhequr si nga mediat e atij vendi ashtu edhe nga webfaqja e Ministrisë së Jashtme serbe.
Një rast i njëjtë ndodhi edhe me shtetin e Ganës, e cila u raportua se ka tërhequr njohjen e Kosovës.
Lajmi i tërheqjes së njohjes u përcoll edhe nga një media e njohur franceze, por që më vonë vet media ganeze e tërhoqi lajmin.
Edhe për shumicën e “tërheqjeve” tjera të njohjeve të Kosovës, vet institucionet zyrtare të Serbisë kanë tërhequr lajmin.
Lajmet e revokimit të njohjeve i kanë tërhequr edhe mediat serbe që u kishin dhënë jehonë propagandës së Vuçiqit e Daçiqit.
Bytyçi: Njohjen e kanë tërhequr disa “banana republika”
Profesori universitar në Shqipëri, Enver Bytyçi në një prononcim për Telegrafin ka thënë se numri i shteteve që kanë tërhequr njohjen e Kosovës është shumë i vogël, derisa sipas tij kjo ka ndodhur për shkak të disa lëshimeve që kishte bërë diplomacia e Kosovës.
“Kam përshtypjen se Ivica [Daçiq] ishte i informuar për mënyrën se si këto shtete që thoshin se u tërhoqën nga njohja ishin deklaruar pro pavarësisë së Kosovës në mënyrë korruptive ose lobuese private. Kam parasysh angazhimin e Behgjet Pacollit, i cili mburrej me disa njohje të shteteve bananesh në Afrikë a ku e di unë tjetër”.
Bytyçi thotë se Serbia e shfrytëzoi këtë dobësi dhe i korruptoi disa prej këtyre shteteve, duke i bërë që të deklaroheshin për tërheqjen e njohjes së Kosovës.
“Ata siç e kishin pranuar edhe e revokuan vendimin përmes parave dhe favoreve të tjera që ua dha qeveria serbe. Për këtë pati akuza të publikuara. Nisur nga kjo eksperiencë vlerësoj se numri i shteteve të tilla tashmë është sa gishtat e njërës dorë. Për këtë arsye Beogradi nuk ka mundur e nuk mundet të ndikojë në këtë drejtim. Prandaj dhe deklaratat e liderëve serbë janë thjesht provokim e diversion”.
Profesori thotë se këto janë përpjekje të liderëve të Serbisë për t’u shfaqur “nacionalistë“ në opinionin serb.
“Me shtetet që kanë shpallur njohje normale e zyrtare nuk ka asnjë shans që Serbia të ketë sukses në kthimin e kësaj njohjeje. Nga ana tjetër në të drejtën dhe dokumentet ndërkombëtare nuk ka ndonjë përkufizim të saktë për këtë proces. Është i pasanksionuar ky lloj procesi, sepse njohjet depozitohen në OKB. Asnjë shtet, edhe nëse deklarohet për ç’njohje, nuk guxon të tërheqë letrën e pranuar të njohjes. Për të gjitha këto arsye jam i bindur se presidenti i Serbisë, Aleksandër Vuçiq, luan me blofin”, deklaron tutje ai.
Roli i Shqipërisë në lobim
Shqipëria nga fillimi i vitit është anëtare jo e përhershme e Këshillit të Sigurimit, dhe sipas Bytyçit kjo është avantazh që diplomacia e saj të jetë më aktive në dobi të Kosovës.
Ai megjithatë thotë se më shumë se ky pozicion i Shqipërisë, më me rëndësi në procesin e lobimit është vullneti i qeverisë shqiptare.
“Unë nuk besoj se një kryeministër që kujdeset për sentimetet serbe në qëndrimet e tij ndaj Kosovës mund të bëjë diçka në këtë drejtim”.
Profesori thotë se Shqipëria ishte edhe kryesuese e OSBE-së, por sipas tij për asnjë çast nuk u mor me Kosovën./Telegrafi/
Promo
Reklamo këtuLufta Prigozhin - Putin
Më shumëNga Rubrika
Policia ndalon një person në Podujevë, dyshohet se ka bashkëjetuar me një vajzë të mitur
Shkarkimi ose jo i kryetarëve në veri, kjo është lista e Qendrave të votimit në Leposaviq, Zubin Potok, Zveçan e Mitrovicë të Veriut
Angellovska-Bezhoska: Banka Popullore siguroi stabilitetin e denarit, lëvizjet inflacioniste dhe sektorin bankar
Serwer tregon se pse Serbia i frikësohet anëtarësimit të Kosovës në Këshillin e Evropës
Ndryshimi i motit, IHMK njofton për shi dhe borë
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Arrestimet e qytetarëve të Kosovës në kufi, analistët në Beograd: Serbia ka prekur fundin moral e politik
Një muaj paraburgim për shqiptarin nga Kosova të arrestuar në Serbi
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel