Ter Stegen flet për rinovimin me Barcelonën, por edhe zbulon emrin e skuadrës për të cilën nuk do të luaj kurrë

Marc Andre Ter Stegen është bërë çështje te Barcelona për shkak të kontratës së tij.

Portieri gjerman ka kontratë me Barcelonën deri në verën e vitit 2022, teksa klubi po insiston për t’ia vazhduar atë.

Ter Stegen ka thënë se është i lumtur te Barcelona, teksa do të flas me drejtuesit e klubit në fund të sezonit.

“Është e vërtetë që ka pasur bisedime për rinovimin e kontratës me drejtuesit, por unë për këtë do të flas në fund të sezonit”.

“Për momentin ka gjëra më të rëndësishme për çka duhet të flasim, por unë dua të theksoj se jam i lumtur te Barcelona”, deklaroi portieri gjerman.

28-vjeçari e ka lënë të hapur mundësinë që të rikthehet një ditë në futbollin gjerman tek ish-skuadra e tij Borussia Moenchegladbach, ku ka dalë nga akademia e këtij klubi.

Gjithsesi Ter Stegen për herë të parë e ka bërë publike edhe emrin e skuadrës të cilës ia ka mbyllur dyert për gjithmonë, pasi thotë se nuk do ta vesh kurrë fanellën e Kolnit, skuadër rivale me Gladbachun.

“Mund ta konfirmojë se një ditë do të rikthehet te ish-skuadra ime Borussia Moenchegladbach, por kurrë në karrierën time nuk do të luaj për Kolnin”, ka deklaruar Ter Stegen.

Portieri gjerman është që gjashtë vite pjesë e Barcelonës, kur iu bashkua gjigantit katalunas nga Borussia Moenchegladbach në vitin 2014 për 12 milionë euro. /Telegrafi/