Telekomi në Korenë e Jugut padit platformën Netflix për shkak të famës së “Squid Game” – thotë se duhet të paguajë kostot për ngarkimin e rrjetit

Ofruesi i shërbimit të internetit të Koresë së Jugut SK Broadband ka paditur platformën Netflix për të paguar kostot e shtuara nga rritja e trafikut të rrjetit dhe për punën e mirëmbajtjes për shkak të një rritje të shikuesve të serialit të krijuar nga firma amerikane, tha një zëdhënës i SK Broadband.

Sipas medieve të huaja, përcjell Telegrafi, ky veprim vjen pasi një gjykatë e Seulit tha se Netflix duhet “në mënyrë të arsyeshme”, t’i japë diçka në këmbim ofruesit të shërbimit të internetit për përdorimin e rrjetit derisa ligjvënës të shumtë të Koresë së Jugut janë shprehur kundër ofruesve të përmbajtjeve të caktuara që nuk paguajnë për përdorimin e rrjetit pavarësisht gjenerimit të trafikut shpërthyes.

Netflix ka deklaruar se do të rishikojë pretendimin e telekomit dhe do të kërkojë dialog dhe do të eksplorojë mënyra ndërkohë për të punuar me SK Broadband për t’u siguruar që klientët të mos preken.

Lexo po ashtu "Squid Game" është zyrtarisht seriali më i shikuar ndonjëherë në Netflix, arrin 111 milionë shikime

Popullariteti i serisë “Squid Game” dhe ofertave të tjera e kanë nënvizuar statusin e Netflix si gjeneratori i dytë më i madh i trafikut të të dhënave në vend pas YouTube të Google, por këto të dyja nuk paguajnë tarifat e përdorimit të rrjetit, derisa Amazon, Apple dhe Facebook po i kryejnë pagesat, tha SK.

Ndryshe, seriali dramë i Koresë së Jugut, “Squid Game” është bërë seriali më i popullarizuar ndonjëherë i Netflix-it, duke tërhequr 111 milionë fansa që nga debutimi i tij më pak se katër javë më parë. /Telegrafi/