Tebas: Real Madridi do të nënshkruajë me Mbappen dhe Haalandin sepse Barcelona dhe Juventusi janë të shkatërruar financiarisht

Presidenti i La Ligës, Javier Tebas beson se Real Madridi do të jetë skuadra që do të transferojë yjet më të nxehtë të Evropës, Erling Haaland dhe Kylian Mbappe.

Gjigantët spanjollë janë ndër pretendentët kryesorë për të blerë yjet e Borussia Dortmund dhe Paris Saint-Germain këtë verë.

Por, Tebas beson se skuadra e Santiago Bernabeut është e vetmja skuadër me fuqinë financiare për të nënshkruar me sulmuesit pasi konkurrentët e tyre janë në vështirësi.

Lexo po ashtu Stafi trajnerëve të Real Madridit tashmë po diskutojnë se ku përshtatet Mbappe në skemat sulmuese

“Real Madridi do të marrë Mbappen dhe Haalandin pasi Barcelona dhe Juventusi janë shkatërruar financiarisht”, u ka thënë fillimisht Tebas gazetarëve.

“Ardhja e Mbappes është një lajm i madh për La Ligën. Do të ishte një gëzim për La Ligën. Është gjëja më e mirë që mund t’i ndodhë La Ligës”.

Lexo po ashtu Reali i kërkon Haalandit të qëndrojë edhe një vit në Dortmund dhe ka një arsyeje të fortë për këtë

Megjithatë, presidenti i La Ligas sqaroi se nuk ka njohuri të brendshme për të thënë nëse marrëveshja do të realizohet përfundimisht.

“Nuk kam asnjë informacion në lidhje me Mbappen. Por, unë kam parë disa raste të lojtarëve që kanë gjashtë muaj të mbetur nga kontratat e tyre që nuk i kanë rinovuar kontratat e tyre dhe më pas vazhduan me klubin”, përfundoi Tebas. /Telegrafi/