Të shtënat me armë në Vjenë të Austrisë – krejt çfarë dihet deri më tani rreth “sulmit terrorist”

Të paktën tre persona janë konfirmuar të vrarë dhe rreth 15 të tjerë kanë pësuar lëndime trupore pas të shtënave në Vjenë, thotë policia e qytetit.

Sipas BBC, përcjell Telegrafi, kancelari austriak Sebastian Kurz e quajti atë një “sulm të neveritshëm terrorist” dhe tha se një sulmues u vra.

Ndërkohë një numër i të dyshuarve të armatosur me pushkë filluan sulmin në gjashtë vende, tha policia.

Lexo po ashtu Momenti kur polici qëllohet dhe rrëzohet përtokë, gjatë sulmit me armë në Vjenë të Austrisë

Një operacion i sigurisë në shkallë të gjerë po vazhdon ndërsa policia po kërkon sulmuesit.

Një numër njerëzish, përfshirë kalimtarët, janë dërguar në spital me disa raportohet se janë plagosur rëndë, raporton transmetuesi austriak ORF.

Mes të plagosurve thuhet se ishte edhe një oficer policie.

Çfarë dimë për sulmin?

Policia tha se incidenti filloi në sinagogën Seitenstettengasse, që është tempulli kryesor në Vjenë.

Udhëheqësi i komunitetit hebre Oskar Deutsch shkroi në Twitter se sinagoga ishte mbyllur në kohën kur filloi sulmi në orën 20:00.

Një oficer që ruante sinagogën u plagos, njoftoi gazeta Kronen Zeitung.

Lexo po ashtu Të shtënat në Vjenë të Austrisë, pamje që tregojnë policinë gjatë aksionit për të “neutralizuar sulmuesin”

Pamjet e postuara në mediat sociale treguan njerëz duke vrapuar ndërsa dëgjohej ajo që raportohej të ishin të shtëna me armë.

Policia u ka bërë thirrje njerëzve që të shmangin zonën dhe të mos marrin transportin publik. Blloqet rrugore janë vendosur rreth qendrës së qytetit.

“Dukej si fishekzjarre, por e kuptuam se ishin të shtëna”, tha një dëshmitar okular i cituar nga transmetuesi publik ORF, sipas agjencisë së lajmeve AFP.

Policia në Republikën Çeke fqinjë tha se po kryente kontrolle në udhëtarët dhe automjetet që kalonin midis dy vendeve si një masë parandaluese.

Cili ka qenë reagimi?

Në Twitter, Z. Kurz tha: “Policia jonë do të veprojë me vendosmëri kundër autorëve të këtij sulmi të tmerrshëm terrorist …. Ne kurrë nuk do të lejojmë që të trembemi nga terrorizmi”.

Lexo po ashtu Të shtënat dëgjohen në sfond, pamje që tregojnë një nga sulmuesit me armë duke ecur rrugëve të Vjenës

Udhëheqësit evropianë kanë dënuar me forcë sulmin, me presidentin francez Emmanuel Macron duke thënë se Evropa nuk duhet të “dorëzohet” përballë sulmeve.

Tre njerëz vdiqën në një sulm me thikë në një kishë në qytetin francez të Nicës javën e kaluar në atë që z. Macron tha se ishte një “sulm terrorist islamik”.

E presidenti i Këshillit Evropian Charles Michel e quajti atë një veprim frikacak që shkel jetën dhe vlerat njerëzore. /Telegrafi/