Një person ka shtënë me armë të gjatë në oborrin e një mobilierie në fshatin Qyshk të Pejës.
Lajmin për Telegrafin e ka bërë të ditur zëdhënësi i Policisë së Kosovës për rajonin e Pejës, Fadil Gashi.
Sipas tij, i dyshuari është larguar nga vendi i ngjarjes dhe se fatmirësisht nuk ka të lënduar.
“Rasti ka ndodhur sot rreth orës 10:20. Policia është në vendin e ngjarjes, janë gjetur disa gëzhoja. Identiteti i të dyshuarit dihet, por është larguar”, tha Gashi. /Telegrafi/
