Të rinjtë e Liverpoolit mposhtin Evertonin, Reds kalojnë tutje në Kupën FA

Liverpooli ka arritur një fitore të madhe me rezultat 1-0 ndaj rivalit të urryer lokal, Evertonit, në ndeshjen e vlefshme për 1/32-tën e Kupës FA.

Fati i shortit deshi që dy klubet nga Merseyside të ndeshen mes vete në 1/32-tën e Kupës FA, duke na dhuruar një ndeshje të madhe.

Megjithatë, edhe kësaj radhe fitues i takimit ishte Liverpooli, i cili kishte hyrë në këtë takim me përbërje shumë të re, ku iu dha debutimi edhe transferimit të ri, Takumi Minamino.

#️⃣1️⃣8️⃣#EmiratesFACup pic.twitter.com/05bFdEXuoj

— Liverpool FC (@LFC) January 5, 2020

Pjesa e parë e ndeshjes u karakterizua me lojë të barabartë nga të dyja skuadrat, por me disa raste më të mira të Evertonit.

Rastet më të mira në këtë pjesë i patën Dominic Calvert-Lewin (6’, 38’), Mason Holgate (12’) dhe Richarlison (38’) për Evertonin, por Adrian ishte në formë duke ia mohuar golin.

Adam Lallana (29’) dhe Divock Origi (42’) tentuan për Reds, por Jordan Pickford gjithashtu ishte i shkëlqyer duke mbajtur portën e paprekur.

Back underway at Anfield.

COME ON YOU REDS!! 🔴🔴🔴 pic.twitter.com/grVyijvipm

— Liverpool FC (@LFC) January 5, 2020

Në pjesën e dytë, ekipi i Jurgen Klopp ishte diçka më i mirë në lojë, duke krijuar më shumë dhe duke gjetur edhe golin.

Goli i vetëm dhe i fitores për Reds erdhi në minutën e 71-të dhe ishte 18-vjeçari Curtis Jones, i cili shënoi një supergol për 1-0.

Me këtë fitore, ekipi nga Anfield siguron kualifikimin në raundin e 1/16-tës.

Liverpooli tani pret ta mësoj emrin e kundërshtarit pas hedhjes së shortit. /Telegrafi/

1-0 by scouser Curtis Jones against Everton at Anfield. 18 years old!

https://t.co/5EUz2NRWN9

— Viktor Fagerström (@ViktorFagerLFC) January 5, 2020