“Të kanë poshtëruar, pse nuk po i hakmerresh?”, Xheneta vë në siklet Gjestin

Një situatë e tensionuar ka shpërthyer mes Xhenetës dhe Gjestit brenda shtëpisë, ku ajo e ka zënë ngushtë me një pyetje që vuri në pikëpyetje prioritetet dhe veprimet e tij.

“Pse ti po reagon në situatën e Drilonit, e nuk po reagon kur është situata ime me ty? A e ki më të afërt Fitimin e Drilonin, a mua?” – ishte pyetja që Xheneta ia drejtoi, duke kërkuar llogari për mungesën e mbështetjes në momentet që ajo e konsideron të rëndësishme.

Sipas Klankosova.tv, Xheneta shfaqi pakënaqësinë e saj për faktin që Gjesti ka ndërhyrë dhe reaguar në situatat që përfshijnë banorët e tjerë të shtëpisë, por ka qëndruar pasiv në lidhje me çështjet mes tyre.

Në përgjigje, Gjesti u përpoq të shpjegonte arsyet e veprimeve të tij, duke theksuar se e di kur është e nevojshme të ndërhyjë.

“Unë reagojë në raport me ta, sepse e di ku po dojnë me çu senin. Ndërsa, ti kur e ke shpikë çështjen me Drilonin – nuk e paskam ditë që s’ka qenë e shpikur, të kërkoj falje,” tha ai, duke pranuar gabimin për moskuptimin e situatës.

Megjithatë, Xheneta nuk u bind dhe insistoi: “Le t’i a është situata jem a jo, duhet me reagu, e di unë kur duhet me reagu”.

Ajo gjithashtu e sfidoi duke pyetur pse po hakmerret ndaj Vullnetit, ndërsa ndaj Drilonit jo, duke sugjeruar një selektivitet në qëndrimin e tij ndaj banorëve të tjerë.

Kjo përplasje nxori në pah dinamika të ndërlikuara mes banorëve të shtëpisë dhe ndjenjat e pakënaqësisë që mund të ndikojnë në marrëdhëniet mes tyre. Situata mbetet e hapur për zhvillime të mëtejshme, teksa tensionet dhe debatet vazhdojnë të jenë pjesë e pandashme e jetës në shtëpi. /Telegrafi/