“Të gjithë kanë të drejtë të pinë çfarë duan”, Coca-Cola reagon pas ‘skandalit’ të Ronaldos

Cristiano Ronaldo është një super yll botëror dhe gjithçka që ai bën ka pasoja, madje edhe jashtë fushës. Pasi kapiteni i Portugalisë u kërkoi njerëzve të pinin ujë dhe të mos pinin Coca-Cola në fillim të konferencës për shtyp të ekipit të tij përpara ndeshjes së Hungarisë në Euro 2020, akti i tij pati shumë implikime.

Nuk është një fakt i fshehur që Ronaldo po kujdeset për trupin e tij në mënyrën më të mirë të mundshme. Edhe në moshën 36-vjeçare, ylli portugez ka aftësinë për të garuar me lojtarë 10 vjet më të rinj se ai. Ndërsa Ronaldo arriti për të marrë pjesë në konferencën për shtyp të Portugalisë me menaxherin Fernando Santos, ai vuri re dy shishe Coca-Cola para tij dhe vendosi t’i hiqte ato plotësisht nga këndi i kamerës.

Edhe pse Coca-Cola është një nga sponsorët kryesor të Euro 2020, Ronaldo nuk e kishte problem të vendoste një mesazh të ashpër pasi ai u bëri thirrje të gjithëve që të ‘pinë ujë’ në vend të pijes së gazuar. Një sugjerim i tillë nga ylli botëror i futbollit thuhet se ndikoi në rënien prej 4 miliardë dollarësh amerikanë nga vlera e markës së Coca-Cola.

Lexo po ashtu Gjesti i Cristiano Ronaldos i kushton Coca Colas katër miliardë dollarë – bien aksionet e gjigantit

Është raportuar se çmimi i aksionit të Coca-Cola ra nga 56.10 dollarë në 55.22 dollarë, duke marrë një rënie prej 1.6 për qind menjëherë pas gjestit të Ronaldos. Kjo pa vlerën e tregut të markës duke u ulur nga 242 miliardë në 238 miliardë (një rënie prej 4 miliardësh).

Pas këtij ‘skandali’, Coca-Cola gjithashtu vendosi të paraqesë një deklaratë duke iu kundërpërgjigjur portugezit.

“Të gjithë kanë të drejtë për preferencat e tyre të pijeve, pasi njerëzit kanë shije dhe nevoja të ndryshme”, thuhet në deklaratën e Coca-Colas.

Respons Coca-cola Usai Ulah Ronaldo Singkirkan Botol di Euro #EURO2020 https://t.co/CSEK2vRscI

— CNN Indonesia (@CNNIndonesia) June 16, 2021

Një zëdhënës i ‘Euro 2020’ gjithashtu ndau pikëpamjet e tij në lidhje me këtë çështje.

“Lojtarëve u ofrohet ujë, së bashku me Coca-Cola dhe Coca-Cola Zero, në konferencat tona për shtyp”, deklaroi zëdhënësi.

Lexo po ashtu Se i urren pijet e gazura tashmë është e dukshme - Ronaldo largon dy shishet dhe bën thirrje që të konsumohet më shumë ujë

Ronaldo mbetet një nga lojtarët më të mirë në histori dhe më i miri i të gjitha kohërave për shumë njerëz. Ai ka një shtrirje të gjerë në media sociale me mbi 300 milionë ndjekës të Instagram.

Video e Ronaldos që largon Coca-Colan u bë virale në mediat sociale me disa tifozë dhe faqe në të gjithë botën duke e shpërndarë gjerësisht. Kuptohet, ajo kishte një ndikim negativ në çmimet e aksioneve të prodhuesit të pijeve. /Telegrafi/

How did Cristiano Ronaldo miss that? I just hope he bounces back in the 2nd half like he has always done it before. #EURO2020

Via : @F24HQ pic.twitter.com/WPkJMFPdY5

— Jogoo la Shamba Mjini (@JMariotz) June 15, 2021