Të ftohtët bën që trupi ta konvertojë dhjamin e bardhë në dhjamë bezhë që djeg kalori
Ekspozimi ndaj temperaturave të ftohta mund ta konvertojë indin e bardhë dhjamor nga kofshët dhe barku në dhjamë ngjyrë bezhë apo kafe, që djeg kalori për ngrohje, por ky reagim biologjik pengohet tek njerëzit e trashë, sipas një studimi të ri të publikuar në revistën Journal of Clinical Endocrinology & Metabolism të Endocrine Society.
I njohur si ind dhjamor ngjyrë kafe (nga ang. bat), dhjami ngjyrë kafe është një lloj i veçantë i indit dhjamor i cili djeg energji dhe glukozë për të gjeneruar ngrohje.
Foshnjat dhe kafshët e vogla mbështeten në dhjamin ngjyrë kafe për të qëndruar ngrohtë. Shpenzimi i energjisë së dhjamit ngjyrë kafe ndihmon në parandalimin e trashjes tek brejtësit.
Derisa dhjami i bardhë nuk e ka këtë aftësi, ai mund ta luajë një rol në djegien e kalorive kur i merr disa karakteristika të dhjamit ngjyrë kafe. Indi i krijuar në këtë proces quhet dhjami ngjyrë bezhë. Kur brejtësit janë të ekspozuar ndaj temperaturave të ftohta, ata mundën t’i konvertojnë depozitat e dhjamit të bardhë në dhjamë ngjyrë bezhë.
“Ne donim të hulumtonim nëse njerëzit e rritur e kishin aftësinë për t’i transformuar disa depozita të dhjamit të bardhë në dhjamë ngjyrë bezhë, kur ishin të ekspozuar ndaj të ftohtët,” tha një nga autorët e studimit, Philip A. Kern, nga Shkolla e Mjekësisë së Universitetit të Kentuckyt në Lexington.
“Kafeizimi i indit dhjamor do të jetë një mbrojte e shkëlqyer kundër trashjes. Kjo do të rezultonte në djegien e kalorive të tepërta nga ana e trupit në vend të konvertimit të tyre në inde dhjamore shtesë”.
Hulumtuesit i analizuan mostrat e indeve dhjamore në bark nga 55 njerëz për të parë nëse mostrat e indeve të marra gjatë dimrit tregojnë më shumë prova të veprimtarisë kafëzuese se ato të marra gjatë verës.
Shkencëtarët gjithashtu morën mostra të indeve dhjamore nga kofshët e 16 personave, pasi që ata mbajtën pako akulli në lëkurë për 30 minuta. Analiza i kontrolloi mostrat e indeve për markerë të veçantë gjenetik të gjetur në dhjamin ngjyrë kafe apo ngjyrë bezhë.
Analiza zbuloi se indi dhjamor i barkut të marrë gjatë dimrit i kishte një apo dy nivele më të larta të markerëve gjenetikë për dhjamin ngjyrë bezhë, në krahasim me mostrat e marra gjatë verës.
Në mostrat e indeve të kofshës, studiuesit gjetën nivele të larta të tre markerëve gjenetikë të lidhur me mostrat e dhjamit ngjyrë kafe apo ngjyrë bezhë të marra gjatë dimrit.
Hulumtuesit i analizuan mostrat e dhjamit në bark për të parë nëse ka pasur ndonjë ndryshim në reagim në mesin e personave të dobët dhe të trashë.
Analiza zbuloi se efekti sezonal i kafëzimit dhjamor u dobësua tek personat e trashë. Trashësia definohet si të pasurit e një indeksi të masës trupore më të madhe se 30. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj