Të famshmit ‘pushtojnë’ New Yorkun përpara ngjarjes më të madhe të modës “Met Gala”

Brooklyn Beckham dhe Cara Delevingne ishin në mesin e një morie fytyrash të famshme që mbërritën në qytetin e New Yorkut të premten përpara Met Gala të shumëpritur.

Kuzhinieri aspirues, 24 vjeç, u shfaq sporti me veshje të zeza ndërsa po dilte nga hoteli ‘The Mark’.

Djali i Victoria dhe David Beckham mbajti kokën ulur ndërsa doli në rrugë, teksa mbante një kapele të zezë sportive dhe atlete të bardhë.

Ndërkohë, modelja Cara, 30 vjeçe, shfaqi belin e tonifikuar teksa nxitoi në të njëjtin hotel ndërsa mbante në krahë qenin e saj.

Bukuroshja zgjodhi një pamje të thjeshtë në mbrëmjen me shi, duke veshur një bluzë të zezë dhe xhaketë lëkure të shoqëruar me atlete të zeza.

Ajo shtoi syze dielli me ngjyrë të verdhë në ‘look’-un e saj dhe la të lirë flokët e saj brune për mbrëmjen.

Diku tjetër, më herët gjatë ditës, Gal Gadot, 37 vjeçe, dukej mahnitëse teksa kalonte nëpër rrugët e SoHo.

Ylli i “Wonder Woman” veshi një bluzë bezhë me vija nën një këmishë jeshile dhe një xhaketë xhins.

Ajo e bashkoi këtë me pantallona lëkure, atlete dhe syze dielli të mëdha.

Aktorja mbante në një çantë pazari të madh Saint Lauren, ndoshta duke dhënë një informatë për stilistin e saj të zgjedhur për natën më të madhe të modës në botë.

Lexo po ashtu Rita Ora shfaq stilin unik me veshjen xhins gjatë një tjetër paraqitje në New York

Diku tjetër përpara ngjarjes së madhe, Bella Thorne gjithashtu mori vëmendje teksa doli në New York.

Aktorja, 25 vjeçe, u pa e veshur me një bluzë të zezë me slogan, xhinse me stampa zemre dhe atlete bardh e zi.

Met Gala 2023 do të kthehet në Muzeun Metropolitan të Artit në New York të hënën (1 maj)në mbrëmje, me të gjithë nga Kim Kardashian deri te Paris Hilton të vendosur për të marrë pjesë në ngjarjen vjetore të mbledhjes së fondeve. /Telegrafi/