Të konstatosh se votimi i diasporës nuk është i drejtë në zgjedhjet lokale sepse mërgimtarët nuk jetojnë në Kosovë, thënë duke u përmbajtur dhe duke përdorë frenat e mirësjelljes, është gabim i madh. Ai që konstaton kështu ose kurrë nuk e ka provuar çka është kurbeti ose kurbeti i duket sefa e përzgjedhur nga dëshira për të mos jetuar në ‘Kosovën e keqe’.
Si të mos ketë të drejtë të votojë mërgimtari, ai që i ka dhënë Kosovës frymë atëherë kur ajo ngulfatej për vdekje? Si të mos ketë të drejtë të votoj diaspora e jonë, ajo që ia dha pushkën Kosovës kur nuk e kishte, ia dha zërin kumbues të dëgjohet nëpër botë kur ajo pëshpëriste, ia dha krenarinë kur ajo po përdhosej gjithandej në çdo katund e qytet?!
Të drejtën për të votuar diaspora jonë e fiton me punë dhe ndihma Kosovës. Edhe sot, pa diasporën, sofra e çdo familje në Kosovë do të ishte më e varfër; pa diasporën do të kishim më pak shkolla, më pak shtëpi, më pak spitale, çerdhe… As varret nuk do t’i kishim të rregulluara pa diasporë. Thjeshtë, pa të do të kishim më pak jetë të dinjitetshme. Ajo jep aq shumë për atdheun e vet dhe flet aq pak për këtë.
A ka kuptim të ja mohojmë të drejtën të flas me votën e saj? Ajo është e bindur deri në vdekje se e ka borxh, obligim moral, detyrë patriotike e edukatë familjare, ta ndihmoj familjen dhe atdheun. Thonë kur myslimani bie sexhde është më së afërmi Zotit! Kuptoni se mërgimtari më së afërmi Zotit është kur e ndihmon Kosovën. Kur mërgimtari e bën këtë përtërihet, ngazëllehet, forcohet dhe i shtyn më lehtë ditët e kurbetit, të cilat edhe po qëndrove 30 vite atje, kurrë nuk bëhen ditë të rehatshme, as të lehta.
Ai ka të drejtë të votojë dhe për shpërblim nga ne kërkon në fund vetëm dy metra tokë për varr. Ai që nuk e kupton se mërgimtari gjithmonë ka një vrasje ndërgjegje pse nuk është në Kosovë, ai nuk e njeh diasporën e Kosovës. Mërgimtari e ndihmon Kosovën, sepse dëshiron që ta kompensojë këtë mungesë.
Ne si shtet i kemi hyrë në hak shumë diasporës në këtë drejtim dhe vazhdojmë ta bëjmë këtë pa e kuptuar se po ia bëjmë të keqen vetit. Diaspora e Kosovës është prezente në Kosovë në forma të ndryshme. Ajo është e informuar pandalshëm për atë që ndodhë në Kosovë. E drejta e saj për të votuar nuk është vetëm një e drejtë morale, por pragmatike dhe e rëndësishme e cila duhet edhe ta bëjë ndryshimin, pse jo.
Vota e diasporës është votë e mençur dhe largpamëse. Diaspora shpesh është pjesa më e përparuar e Kosovës. Është mu e kundërta. Jemi ne si shtet dhe si shoqëri që duhet të bëjmë shumë më shumë që zëri i diasporës tonë të dëgjohet më shumë. Jemi ne që kemi ngecur shumë për ta ndihmuar këtë diasporë të organizohet më mirë, të konsolidohet më shumë, të vije më shpesh në Kosovë, dhe kur vjen puna edhe të dalë në numër më të madh për të votuar. Për këto ngecje në rend të parë është faji i shtetit tonë. Shtetet tjera me diasporë më të vogël se ne, në përpjesëtim me numrin e popullsisë, në këtë drejtim bëjnë shumë më shumë. Jemi ne ata që në forma të ndryshme duhet ta bëjmë të mundshme që diaspora jonë ta ketë fjalën e vet, votën e vet dhe të drejtën edhe për vendimmarrje në sfera të ndryshme të jetës tonë.
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus
Osmani ia tha të gjitha në sy Vuçiqit, por një detaj me domethënie i presidentes mori të gjithë vëmendjen
Nënat e Srebrenicës falënderojnë presidenten Osmani: Një fjalim i tillë do të mbahet mend ndër breza
Shkëlqeu me paraqitjet e tij, Real Madridi e shpërblen me kontratë të re veteranin e ekipit
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj