Tayna: Më ka propozuar një burrë i martuar

Reperja e re, Tayna, u bë e njohur shumë shpejt për publikun shqiptar, teksa gjatë verës ishte shumë e angazhuar gjatë verës me koncerte dhe mbrëmje të shumta muzikore.

Së fundmi, ajo ishte e ftuar në emisionin “Xing me Ermalin”, ku ka rrëfyer shumëçka nga jeta dhe karriera e saj.

https://www.instagram.com/p/BoheIhIAbKo

Ndër to, reperja u ndal të tregoi disa ngjarje më interesante dhe qesharake që i kanë ndodhur këtë verë.

Ajo kujtoi një moment kur një burrë i moshës së mesme, i kishte propozuar martesë, duke i thënë se ishte në gjendje të lërë edhe gruan për të.

Reperja tha se personi në fjalë kishte ardhur enkas nga Shtetet e Bashkuara të Amerikës dhe kishte bërë çmos atë natë që t’i binte në sy.

https://www.instagram.com/p/BoPSUcIAtHB

“Unë kam fansa të të gjitha moshave. Një herë më ka ardhur një burrë rreth 45 vjeç në backstage dhe donte të bënte foto. Unë isha shumë e lodhur se kisha tre koncerte atë natë dhe nuk isha në gjendje të mirë. Ai i tha sigurimit që donte t’më takonte patjetër. Unë edhe pse mund të jemë e lodhur, kam qejf t’i respektoj ata që më përkrahin. Dhe pranova që ai burri të vinte dhe pasi bëmë foto më tha: Unë do të lë gruan për ty. Fillimisht mendova se po bën shaka dhe fillova të qesh dhe ai më tha se e kishte seriozisht. Unë i thash t’i po të duash ndahu nga gruaja, por do mbetesh pa asnjërën. Iku nga aty dhe kur dola unë në skenë bënte atmosferë”, ka thënë Tayna.

E njëjta javë më parë publikoi baladën me titull “Dorentina”, e cila u prit shumë mirë nga fansat e saj tashmë të shumtë në numër. /Telegrafi/