Tallen me të burgosin për shkak të tatuazhit në ballë  

Një burrë nga Indiana në SHBA që ka një tatuazh në ballë me mbishkrim “krimi paguhet”, është arrestuar për herë të dytë nga dhjetori i vitit të kaluar.

Donald Marry, 38-vjeç, është arrestuar dje pas një ndjekje të shkurtër me policinë. Ai akuzohet për posedim të lëndëve narkotike si metafetamina dhe vjedhje të veturave, transmeton Telegrafi.

Marry është shfaqur në një episod të “reality-shout” Live PD në fund të nëntorit të kaluar, pasi i kishte ikur policisë kur u ndal për ngasje të veturës pa dritat e ndezura.

E kur i është vënë policia pas ai ishte përplasur me veturë në një pemë dhe kishte arritur të ikë në këmbë. Ndërkaq bashkudhëtarin kur e kanë takuar brenda veturës, u kishte thënë policëve se nuk e di emrin e të arratisurit.

Megjithatë pasi përfundoi në pranga, pas një kohe u lirua nga burgu – e fotografia e tij ka shkaktuar reagime të shumta në rrjetet sociale. E një prej komenteve të shumta është “çfarë ironie”, duke iu referuar kështu tatuazhit të tij në ballë. /Telegrafi/