Talenti i madh kroat përjashtohet për katër vjet nga futbolli

Talenti i madh i futbollit kroat, Mario Vuskovic, është përjashtuar nga futbolli për katër vjet, ka vendosur Gjykata Ndërkombëtare e Arbitrazhit Sportiv (CAS) në Lozanë.

Lojtari 22-vjeçar, i cili luan për Hamburgun në Gjermani, është pezulluar që nga viti 2022 për shkak të një skandali dopingu. Gjithçka zgjati dy vjet dhe u llogarit në atë periudhë.

Mediat gjermane sot raportojnë se CAS e ka shpallur vendimin e saj sot, ku thuhet se Mario Vuskoviv do të përjashtohet nga futbolli për një periudhë katërvjeçare.

Në atë periudhë janë përfshirë dy të mëparshmet, në të cilat ai ishte i suspenduar, ndaj do të mund të rikthehet në fushë në vjeshtën e vitit 2026.

Mbrojtësi i ri i Hamburgut konsiderohej si një talent i madh i futbollit kroat dhe këtë e dëshmon fakti se për kombëtaren U-21 luajti deri në 15 ndeshje dhe do të kishte më shumë nëse nuk do të kishte pezullim.

💔 Schock für den HSV: Mario Vuskovic bleibt bis 2026 gesperrt! 😢

Ein schwerer Schlag für den Hamburger SV und seine Fans: Mario Vuskovic, der talentierte Innenverteidiger, darf für zwei weitere Jahre nicht auf den Platz zurückkehren. Der Internationale Sportgerichtshof (CAS)… pic.twitter.com/4cefLXGX2t

— Flashscore.de (@FlashScoreDE) August 27, 2024

Gjykata e Federatës Gjermane të Futbollit e shpalli Vuskovicin fajtor për doping në mars të vitit të kaluar. Ndërsa avokatët e tij kërkuan një lirim, Agjencia Botërore Anti-Doping (WADA) kërkoi një pezullim katërvjeçar, gjë që u konfirmua sot.

Kujtojmë se Vuskovic u dënua për shkak se në mostrën e urinës i ishin gjetur gjurmë të eritropoietinës. Është një hormon që stimulon prodhimin e rruazave të kuqe të gjakut, gjë që në fund lejon gjakun të thithë më shumë oksigjen në trup. /Telegrafi/