Skocia dhe Irlanda e Veriut kanë regjistruar temperaturat më të larta të këtij viti, ndërsa vala e të nxehtit po përfshin një pjesë të madhe të Mbretërisë së Bashkuar.
Në Skoci, termometri arriti në 29 gradë Celsius në zonën e Fyvie Castle në Aberdeenshire, duke shënuar temperaturën më të lartë të regjistruar në vend gjatë vitit 2026.
Megjithatë, kjo mbetet larg rekordit absolut skocez prej 34.8 gradë Celsius, i vendosur në Charterhall, në rajonin Scottish Borders, në korrik të vitit 2022, shkruan skynews.
Të paktën 40 persona humbin jetë në Francë, ndërsa vala e të nxehtit prej 43 gradësh përfshiu vendin
Edhe në Irlandën e Veriut u shënua një ditë jashtëzakonisht e ngrohtë. Në Katebridge, në qarkun County Down, temperaturat arritën në 28.1 gradë Celsius, niveli më i lartë i regjistruar këtë vit në këtë pjesë të Mbretërisë së Bashkuar.
Rekordi historik i temperaturës në Irlandën e Veriut mbetet 31.3 gradë Celsius, i regjistruar në Castlederg, County Tyrone, në korrik të vitit 2021.
Meteorologët paralajmërojnë se temperaturat e larta mund të vazhdojnë edhe gjatë ditëve në vijim, si pjesë e një vale të gjerë të të nxehtit që po prek Evropën Perëndimore dhe Veriore. /Telegrafi/
