LAJMI I FUNDIT:

Taksa për produktet serbe mobilizon kompanitë lokale, premtojnë shërbime falas për prodhuesit vendor

Taksa për produktet serbe mobilizon kompanitë lokale, premtojnë shërbime  falas për prodhuesit vendor

Vendosja e taksës së importit për produktet e Serbisë e cila të mërkurën u rrit në 100 për qind, po përkrahet nga shumë biznese të cilat veprojnë në fushën e teknologjisë.

Iniciativën për t’i mbështetur bizneset pas taksës së vënë nga shteti i Kosovës për prodhimet e Serbisë, e ka nisur menaxheri i rrjeteve sociale, Valon Canhasi, njëherësh drejtor ekzekutiv i agjencionit për media sociale “Hallakate”, i cili në profilin e tij në Facebook ka shkruar se është bërë hapi i parë, duke e hapur një ueb me emrin  http://www.prodhimvendor.com (hapësira ku do të plasohen produktet vendore).

“I tregova krejt shokëve e shoqeve, logo u skicu, webi u ble. Gjuani ide çka mundeni me bo”, ka shkruar ai.

Ai në një prononcim për Telegrafin ka theksuar se qëllimi i kësaj iniciative është të ketë një lloj mbështetje për prodhuesit vendor.

“Ideja është që të mbështeten prodhuesit dhe prodhimet vendore, e cila po mirëpritet nga shumë biznese”, ka shtuar Canhasi.

Reagimet pozitive dhe mbështetëse për këtë fushatë të nisur, kanë ardhur nga sipërmarrës të shumë kompanive që veprojnë në fushën e teknologjisë, si Ermal Sadiku, drejtor ekzekutivi i Linkplus, i cili ka thënë se ata si kompani do të mund t’ia bëjnë një kompanie që merret me prodhime vendore një aplikacion falas.

Mërgim Cahani, drejtor ekzekutiv i “Gjirafa”, ka shkruar se nëse vazhdon ekzekutimi i vendimit qeveritar, premtojnë se 100 prodhuesve vendor do t’i i ofrojnë kampanjë marketingu free për një muaj me Gjirafa AdNetwork.

Besnik Rama, nga kompania Kodrax ka shkruar se Pasi që ka filluar me 10 për qind atëherë Besplay jep 10 abonime në kodrax.com dhe 10 në stockmano.com e edhe 10 webfaqe me platformën trioclicks.com. Të interesuarit le të lajmërohen.

Abdullah Hasani, nga Honedon Creative Agency, ka shkruar se ata dhurojmë një Rebrand 100 për qind falas për një prodhues ose produkt vendorë.

Zana Tabaku, nga Appdec, ka thënë se i bashkangjiten iniciativës me webfaqe/app falas për një prodhues vendor.

Elena Cena, ka theksuar se në emër të Kujtesa, ju ofrojmë internet 6 muaj falas të gjithë prodhuesve vendor.

Numri i kompanive që kanë premtuar mbështetje po shkon duke u shtuar, gjë e cila po sensibilizon kompanitë nga kjo veprimtari që të tregojnë solidaritet në mbështetje të prodhuesit vendor.

Ndryshe, Qeveria e Kosovës ditë më parë ka vendosur një taksë prej 10 për qind për produktet që vinë nga Serbia dhe Bosnja e Hercegovina, e cila të mërkurën, më një vendim të ri ka shkuar në 100 për qind.

Kjo sipas shefit të ekzekutivit kosovar ka ardhur për shkak të dekonstruktivitetit të Beogradit zyrtar në raport në Kosovën dhe pengesave të vazhdueshme që po i bën ky shtet në rrugëtimin e shtetit më të ri në Evropë. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Aktivisti i PSD-së i shkon në tavolinë deputetit të LVV-së: A po ju vjen marre që e pranuat

Aktivisti i PSD-së i shkon në tavolinë deputetit të LVV-së: A po ju vjen marre që e pranuat "Zajednicën", për Këshillin e Evropës...

Lajme
Vrasjet e fundit, ekspertët tregojnë lagjet më problematike të Prishtinës

Vrasjet e fundit, ekspertët tregojnë lagjet më problematike të Prishtinës

Siguri
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori