Takimi i Listës Serbe me Matthew Palmer: Nuk do të hyjmë në Qeveri në kushte të tilla

Lista Serbe, sot ka takuar Përfaqësuesin Special të SHBA-së për Ballkanin Perëndimor, Matthew Palmer dhe Ambasadorin e SHBA në Prishtinë, Philip Kosnet.

Në një njoftim të kësaj partite, thuhet se është biseduar për situatën e pas zgjedhjeve, si dhe, çështjen e dialogut mes Kosovës dhe Serbisë, me qëllim të uljes së tensioneve.

Lexo po ashtu Përfundon takimi Thaçi-Palmer, flasin për marrëveshjen gjithëpërfshirëse me Serbinë

Përfaqësuesit e Listës Serbe, shprehën një qëndrimin për heqjen e taksës, vazhdimin e dialogut si dhe gjetjen e një zgjidhje kompromisi mes dyja vendeve.

Po ashtu thanë se, nuk kanë interesim për t’u bërë pjesë e Qeverisë së udhëhequr nga Albin Kurti, njofton Telegrafi.

Lexo po ashtu Palmer flet për Kurtin: Besoj se si kryeministër i ardhshëm do të jetë partner i mirë për SHBA-në

“Sa i përket pjesëmarrjes në qeveri, ne nuk do të futemi në atë qeveri në kushte të tilla, sepse nuk kemi nevojë për funksione për hir të tyre, por për të mbrojtur interesat e popullit serb”, thuhet në reagimin e kësaj partie.

Ndërkaq, Palmer theksoi se SHBA-ja, janë veçanërisht të interesuar për formimin e shpejtë të qeverisë dhe vazhdimin e vazhdueshëm të dialogut Beograd-Prishtinë, si dhe respektimin e plotë për sundimin e ligjit, i cili do të mundësojë zhvillim ekonomik dhe jetë më të mirë për të gjithë qytetarët.

Lexo po ashtu Palmer: Kosova votoi për ndryshime dhe SHBA i përkrahë ato, kërkojmë normalizim të marrëdhënieve me Serbinë

Palmer, po ashtu sot gjatë ditës, ka takuar Presidentin e vendit, Hashim Thaçi, duke shprehur gatishmërinë për krijimin e Qeverisë së re dhe fillimin e dialogut… përfshirë edhe çështje të tjera.