Kryeministri i Kosovës, Albin Kurti dhe presidenti i Serbisë, Aleksandar Vuçiq do t’i rikthehen tryezës se bisedimeve më 14 shtator, kështu ka njoftuar përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell.
Takimi mes Kurtit dhe Vuçiqit vjen pas disa thirrjeve të ndërkombëtarëve që palët t’i rikthehen dialogut, ndërsa së fundmi ata ishin takuar më 2 maj, pas zgjedhjeve të jashtëzakonshme në veri të Kosovës.
Analistët në Kosovë konsiderojnë se pala kosovare duhet të jetë e qartë me qëndrimet e veta në dialog, ndërsa vlerësojnë se është mirë që dy udhëheqësit e shteteve po rikthehen në tryezën e bisedimeve.
Analisti Gazmir Raci në një deklaratë për Telegrafin ka pohuar se vetëm përmes dialogut mund të zgjidhen problemet mes dy shteteve.
“Është me rëndësi që të dy udhëheqësit e shteteve po rikthehen në tryezën e Brukselit, sepse vetëm përmes asaj tryeze mund të zgjidhen problemet që janë mes Kosovës dhe Serbisë, në kuadër të rrugëtimit në Bashkimin Evropian”, theksoi ai.
Gjithashtu, Raci theksoi se Serbia duhet ta bëjë të qartë orientimin e saj dhe të mos pengojë Kosovën dhe as vendet tjera të Ballkanit.
“Nëse Serbia nuk ka orientim me u integru në Bashkimin Evropian, ajo duhet ta bëjë të qartë pozicionin e saj para ndërmjetësve, në mënyrë që mos me qenë pengesë as e Kosovës por as e shteteve tjera të Ballkanit Perëndimor. Nëse Serbia dëshiron të jetë pjesë e BE-së, atëherë ajo duhet me dhanë zotimin e ri për planin franko-gjerman”, tha mes tjerash ai.
Sipas Racit, plani frank-gjerman është zgjidhja momentale për të zgjidhur problemet mes dy shteteve.
“Plani franko-gjerman është zgjidhja momentale për me i tejkalu pengesat që i kemi në raportet mes dy vendeve, por këtu duhet të ketë vendosmëri edhe nga ndërkombëtarët që më kërku zotim zyrtar nga Serbia nëse është për zbatim të planit franko-gjerman, dhe aneksit të Ohrit. Kur jemi të ankesi i Ohrit, duhet ta kemi parasysh se duhet respektuar nga pika e parë deri në pikën e fundit dhe nuk mund të zbatohet me selektim të pikave që kanë interes vetëm Serbët”, ka pohuar ai.
Raci vlerësoi se ankesi i Ohrit duhet të fillojë të zbatuari që nga pika e parë.
“Duhet të fillojë nga pika e parë ku nuk do ta cenojë kufirin e Kosovës, do t’i respektojë simbolet e Kosovës, do të respektojë integritetin territorial të Kosovës, dhe po ashtu nuk do ta pengojë anëtarësimin e Kosovës më tutje. Nëse Serbia insiston që aneksi të zbatohet lartë-poshtë unë mendoj që këtu është një problem shumë i madh”, deklaroi ai.
Ndërsa, analisti Dritëro Arifi tha se pala kosovare me 14 shtator duhet t’i qëndrojë zotimeve të veta që kanë marrë në marrëveshjen e Brukselit dhe Ohrit.
“Në takimin e radhës mendoj që Bashkimi Evropian e ka caktu më 14 shtator, pala kosovare duhet t’i qëndrojë zotimeve të veta që i ka marrë në shkurt dhe në mars, me marrëveshjen e Brukselit dhe Ohrit, dhe t’i paraqes platformën se si do dukej përfundimi i asaj marrëveshje. I bie që pala kosovare duhet ta bëjë një vetë-menaxhim për një asociacion të ashtuquajtur si vetë-menaxhim, dhe si do të duket komplet faza finale e këtij dialogu”, pohoi ai.
Arifi tha se Kosova duhet ta kërkoj njohjen reciproke, përndryshe sipas tij, çdo devijim nga kjo nuk do të ketë një marrëveshje gjithëpërfshirëse.
Ndryshe, të enjten përfaqësuesi i Lartë i BE-së për Politikë të Jashtme dhe Siguri, Josep Borrell gjatë një konferencë për media njoftoi për takimin mes kryeministrit të Kosovës, Albin Kurti dhe presidentit të Serbisë, Aleksandar Vuçiq.
Dy vendet, nën ndërmjetësimin e Bashkimit Evropian, janë në bisedime për normalizimin e marrëdhënieve qysh në vitin 2011. Ndonëse kanë arritur dhjetëra marrëveshje në fusha të ndryshme, zbatimi i shumicës prej tyre ka ngecur. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Prokuroria Themelore Kavadar nis procedurën për dyshim të pengimit të zyrtarit
Ngjarje e rëndë në Shkodër, nëna bashkë me tre fëmijët rezultojnë të zhdukur – dyshohet se janë mbytur
Spahoviq: Nuk mund të pritet qeveri proevropiane nga Vuçiqi, idetë e Millosheviqit janë ende të gjalla
Rrahet anketuesi i regjistrimit të popullsisë, policia arreston tre të dyshuarit në Pejë
Zbardhet vrasja e çiftit në Dropull, policia: Autori, bashkëfshatar i tyre
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Deputetja Krasniqi: Masat ndaj Kosovës u vendosën për shkak të qeverisë, drejtuesit e saj kanë mbetur të izoluar
Prishtinë, një shtetas i Shqipërisë hyn në dhomën e një hoteli dhe kryen vjedhje
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak