Takim i ri për Ligjin e Prokurorisë Publike

Për sot është caktuar takim i ri i grupeve të punës për të kapërcyer dallimet në lidhje për Ligjin për Prokurorinë Publike. Sipas njoftimeve, së pari janë planifikuar takimet individuale, pasuar nga një grup i përbashkët pune i përbërë nga përfaqësues të partive parlamentare dhe ekspertë, në përpjekje për të harmonizuar versionin e propozim ligjit që do të paraqitet më vonë në Kuvend.

Pas mbledhjes së grupit të punës të premten, disa deputetë dje paraqitën amendamente për Ligjin për Prokurorinë Publike, ndërsa disa kërkuan kohë shtesë për formulim për shkak të detyrimeve të tyre që kanë në dialogun Jean Monnet. Për shkak të besimit të procesit, ministria e drejtësisë tha që ata nuk do të zbulojnë se cilat grupe parlamentare paraqitën amendamente.

Nga partia opozitare OBRM-PDUKM nuk tërhiqen nga kërkesat për Ligjin për Prokurorinë Publike, psi që të premten i bënë thirrje Ministres së Drejtësisë të organizojë takim me ekspertë juridik të cilët kanë dhënë vërejtjet në debatin publik dhe së bashku me ata të paraqesin amendamente për propozim ligjin.

“Nuk ka mundësi të tërhiqemi nga kërkesat tona në lidhje me Ligjin për Prokurorinë Publike”, tha sekretari i OBRM-PDUKM-së, Igoir Janushev./Telegrafi/