SUV-i më i vogël i Fiat quhet Pulse

Emri u votua nga tifozët e Fiat, por kishte edhe emra të tjerë në garë si Tuo dhe Domo.

SUV-i më i vogël i Fiat-it i destinuar për tregun e Amerikës Latine iu dha një emër zyrtar i zgjedhur nga adhuruesit e markës italiane në një sondazh në internet.

Emri Pulse fitoi në mënyrë bindëse, duke marrë parasysh që 65% e pjesëmarrësve në sondazh votuan për të, transmeton Telegrafi.

Fiat ende nuk ka publikuar specifikime të plota, por dihet që Pulse ka një bosht midis dy rrotave prej 2.532 mm.

Për krahasim, distanca midis boshteve të Fiat 500X të shitura në Evropë është 2,570 mm, gjë që na tregon se është një makinë pak më e vogël se SUV evropiane.

Nga ana tjetër, Pulse është pak më e madhe se sa Fiat Argo hatchback , e cila është gjithashtu në dispozicion në tregun e Amerikës Latine.

Fiat Pulse do të shitet në Brazil me një motor të ri turbo-benzinë, dhe supozohet se është një motor 3 cilindra 1.0 litërsh me 120 kuaj fuqi dhe 196 Nm.

Versioni bazë do të mundësohet nga një motor 1.3 litërshe me 109 kuaj fuqi dhe 139 Nm.

Ky motor është i bashkuar me një transmision manual me 5 shpejtësi, dhe një automatik CVT është i disponueshëm si opsion.

Premiera zyrtare e Fiat Pulse do të mbahet gjatë qershorit dhe shitjet do të fillojnë në vjeshtë.

Ashtu si Fiat Argo, ky model është i rezervuar vetëm për klientët në Brazil dhe vendet e tjera të Amerikës Latine. /Telegrafi/