Sulmuesi i Bebe Rexhës në koncert shfaqet i turpëruar dhe kokulur në gjykatë, gjersa mbrohet nga prindërit e tij prej fotografëve

Fans i cili dyshohet se hodhi telefonin e tij celular në drejtim të yllit të muzikës pop, Bebe Rexha – duke e goditur atë në fytyrë gjatë një koncerti në Manhattan gjatë muajit qershor – parashikon se përfundimisht do t’i hiqen të gjitha akuzat penale, tha avokati i tij të hënën.

Avokati i Nicholas Malvagna, Todd Spodek, aludoi për një marrëveshje për pranimin e fajësisë që po diskutohej me prokurorët ndërsa klienti i tij u kthye në Gjykatën Penale të Manhatanit për çështjen e sulmit mbi incidentin e 19 qershorit në “The Rooftop at Pier 17” në South Street Seaport.

“Në këtë pikë ne nuk kemi marrë asnjë provë për të mbështetur akuzat dhe po shqyrtojmë të gjitha mocionet përkatëse”, tha Spodek për The New York Post pas seancës së shkurtër dëgjimore, shkruan The New York Post.

Bebe Rexha gets hit by phone in the face on stage pic.twitter.com/AJ1Xj7NtfR

— Daily Loud (@DailyLoud) June 19, 2023

“Unë parashikoj një zgjidhje pa gjyq, me të gjitha akuzat penale që përfundimisht të hiqen”, shtoi avokati.

Lexo po ashtu Bebe Rexha merr masa sigurie pas incidentit të fundit, shfaqet me syze mborojtëse në koncert

Malvagna, 27 vjeç, kishte veshur një kostum të zi, këmishë blu dhe kravatë blu të errët, ndërsa fshihej pas një maske mjekësore të purpurt – ndërsa prindërit e tij u përpoqën ta mbronin atë nga gazetarët dhe fotografët pas paraqitjes në gjykatë (Videon mund ta shikoni KËTU).

Burri nga New Jersey ka thënë se po përpiqej t’ia hidhte telefonin Bebe Rexhës në mënyrë që ajo të bënte një fotografi me telefonin e tij kur e goditi atë gjatë performancës – duke e lënë të gjakosur, me sy të nxirë dhe në nevojë për qepje.

Ai është akuzuar për: sulm, ngacmim të rëndë, tentativë sulmi dhe ngacmim.

Lexo po ashtu U la nga i dashuri për shkak të kilogramëve, Bebe Rexha: Interneti më quan të shëndoshë, një grua mund të shtojë peshë - gjëra që ndodhin

Gjatë gjykimit të tij muajin e kaluar, prokurorët e Manhatanit thanë se Malvanga u tha policëve se ai thjesht po përpiqej të bëhej pjesë e një trendi në TikTok, siç është realizimi i videove të këngëtarëve nga telefonat që fansat ua japin në skenë.

“Është një trend në TikTok ku ju e hidhni telefonin tuaj në skenë, dhe një personazh i famshëm e merr atë dhe bën një ‘selfie’”, u tha Malvagna oficerëve të arrestimit, sipas një prokurori.

“Mendova se ajo po shikonte në drejtimin tim. Unë isha rreth dy rreshta mbrapa, por në vend që telefoni im të ulej pranë saj, telefoni im e goditi atë në fytyrë”, dyshohet se u tha Malvagna policëve.

Ai u lirua pa kusht.

Lexo po ashtu Bebe Rexha iu drejtohet fansave në koncert: Lërini telefonat, shijojeni momentin

“Si një fans, qëllimi i vetëm i zotit Malvagna ishte që zonjusha Rexha të bënte fotografi me telefonin e tij dhe ta kthente atë në një kujtim. Asnjëherë nuk ka qenë qëllimi i tij për të lënduar artisten”, tha Spodek në një deklaratë në atë kohë.

Pas koncertit, Bebe Rexha u tregoi fansave të saj syrin e fashuar dhe të mavijosur përmes një fotografie të publikuar në Instagram.

“Unë jam mirë”, kishte shkruar ajo në mbishkrimin e fotografisë.

Pas seancës gjyqësore, nëna e Malvangas u përplas në krahun e një fotografi ndërsa përpiqej të fshihte djalin e saj nga kamerat – ndërsa babai i tij dukej se e kishte kaluar vuajtjen.

“Mjaft me lajmet e dreqit”, tha babai i Malvagnas.

Zyra e Prokurorit të Qarkut të Manhatanit nuk pranoi të komentojë mbi këtë çështje kur u pyet nga The New York Post. /Telegrafi/