Sulmoi zyrtarët policorë, arrestohet një person në Suharekë

Një person është arrestuar pasi ka penguar dhe sulmuar zyrtarët policorë në krye të detyrës.

Sipas raportit të policisë, ngjarja ka ndodhur të premten rreth orës 21:35, në Suharekë.

Siç thuhet në raport, një zyrtar policor ka pësuar lëndime dhe ka pranuar tretman mjekësorë, ndërsa i dyshuari është dërguar në mbajtje.

“Është arrestuar i dyshuari mashkull kosovar, pasi që i njëjti ka penguar zyrtarët policor në detyrë zyrtare. Gjatë arrestimit, një zyrtar policor ka pësuar lëndime dhe ka pranuar tretman mjekësor. Me vendim të prokurorit, i dyshuari është dërguar në mbajtje”, thuhet në raport. /Telegrafi/