Një rast i dhunimit dhe një tjetër i sulmit seksual raportohet se kanë ndodhur të martën mbrëma në Gjakovë e Prizren.

Policia njofton se në Gjakovë një vajzë ka raportuar se është dhunuar nga një person i dyshuar.

“Ankuesja femër kosovare ka raportuar se viktima femër kosovare është dhunuar nga i dyshuari mashkull kosovar. Viktima ka marrë tretman mjekësor pasi kishte lëndime dhe në dorë”, thuhet në raportin policor.

Rasti është duke u hetuar.

Ndërsa, në Prizren policia bën të ditur se një vajzë është sulmuar seksualisht nga një i dyshuar.

“Prizren 28.06.2022 – 18:45. Viktima femër kosovare ka raportuar se është sulmuar seksualisht nga i dyshuari mashkull Kosovar”, thuhet në raportin e policisë.

Lidhur me rastin viktima ka pranuar tretman mjekësor dhe në konsultim me prokurorin rasti vazhdon të hetohet. /Telegrafi/