Një nga temat kryesore në afatin kalimtar të fundit ka qenë, se si shkaku i krizës së madhe financiare, Barcelona, u desh të largonte disa nga yjet.
Klubi ishte i paaftë për të rinovuar kontratën e Lionel Messit, por edhe largimi e Antoine Griezmann, mund t’i kushtojë shumë klubit.
Në fakt, shtatë lojtarët e fundit që kanë dalë nga Camp Nou për t'u bashkuar me klube tjera, kanë pasur sukses.
Philippe Coutinho
Philippe Coutinho mbetet një lojtar i Barcelonës. Por ai ishte i huazuar te Bayern Munich në vitin 2019, ku braziliani fitoi Ligën e Kampionëve në vitin 2020 dhe madje shënoi dy herë kundër Barcelonës në atë fitoren e madhe 8-2 në Lisbonë.
Një lojtar tjetër u largua në vitin 2019 dhe ai ishte Paco Alcacer, duke shkuar fillimisht te Borussia Dortmund.
15 gola dhe 8 asistime në 50 ndeshje është një rekord relativisht i mirë për një rezervë, pasi me siguri as Martin Braithëaite e as Luuk de Jong nuk janë më mirë.
Tani te Villarreal, Alcacer luajti një rol të madh pasi “Nëndetësja e Verdhë” ngriti trofeun e Ligën së Evropës.
Një mesfushor i talentuar ishte pjesë e klubit prej vitit 2014, që e pa Barcelonën të fitojë tripletën më pak se një vit më vonë. Ivan Rakitic formoi versionin e fundit të madh të një mesfushe të Blaugranave së bashku me Xavin dhe Sergio Busquetsin.
Ai u larguar në vitin 2020 me një tarifë të vogël, por kroati mbetet një nga mesfushorët më të mirë në La Liga.
Edhe kur nënshkroi për Barcelonën nga Bayern në 2018, kishte pikëpyetje në lidhje me përshtatshmërinë e Arturo Vidal për stilin e lojës së klubit. Kiliani u largua dhe u tregua i suksesshëm dhe fitoi një titull te Interi.
Ndoshta jo aq tërheqëse, por, duke pasur parasysh rëndësinë që i jep Barcelona lojtarëve të akademisë, kur e shohin Rafinhan teksa luan për një klub tjetër të madh evropian, duhet të jetë goxha nervoz.
Tani me Paris Saint-Germain, braziliani është pjesë e një skuadre të aftë për të fituar Ligën e Kampionëve.
Nuk është se Arthur po shkëlqen te Juventusi pas një shkëmbimi të çuditshëm me Miralem Pjanic që kaloi te Barcelona.
Arthur te Juve fitoi Kupën e Italisë në Torino, ndërsa Pjanic sulmoi sot Ronald Koemanin për mungesë respekti .
Shembulli më i keq. Barcelona ka paguar Luis Suarezin (golashënuesi i dytë më i mirë në histori) për të kaluar në Atletico Madridi dhe për të fituar titullin e kampionit pasi shënoi 21 gola.
Thjesht nuk bëhet më keq se kaq. /Telegrafi/
