Studentët e Maqedonisë me notë mesatare 8 e më lartë, tash e tutje do të mund të aplikojnë për mësimdhënës privat

Komisioni parlamentar për arsim, shkencë dhe sport mbajti mbledhjen e radhës, ku u konstatua se propozim-ligji për ndryshimin dhe plotësimin e Ligjit për standarde studentore është i pranueshëm dhe mund të dorëzohet për lexim të dytë në kuvend, transmeton Telegrafi Maqedoni.

Duke e shtjelluar tekstin, zv. ministri për arsim, shkencë dhe sport, Spiro Ristovski informoi se bëhet fjalë për mësime private dhe se sjellja e një programi të posaçëm të mësimit privat në shkollat fillore dhe të mesme, me të cilin do t’u ndihmohet disa nxënësve që kanë nevojë për mësimdhënie shtesë.

Ristovski theksoi se këto mësimdhënie private duhet t’i kryejnë studentë të cilët kanë arritje të larta në lëndën përkatëse, pra duhet të kenë një mesatare të lartë – më së paku 8 – për të aplikuar për mësimdhënës privat, më pastaj të përzgjidhen nga prindërit e fëmijëve.

Megjithatë, Ljubisha Nikoliq nga LSDM-ja tha se ky propozim-ligj është edhe një makiazh dhe masë populiste, duke paralajmëruar amandamente për ta përmirësuar këtë ligj, dhe se në këtë moment duhet të diskutohet për çështje më të rëndësishme – për konviktet studentore, rindërtimin e tyre, standardin studentor, për universitetet dhe përparimin e tyre./Telegrafi/