Studentët e Fakultetit të Artëve do të vazhdojnë sot me ditën e tretë të protestës së tyre, shkak i mospërfshirjes nga ana e MASHT-it në konkursin e bursave.

“Organizata Studentore “REFORMA” që udhëheqë me Këshillin e Studentëve në Fakultetin e Arteve të Bukura, edhe ditën e PREMTE (08.11.2019) me studentët prapë do ta bojkotojmë mësimin gjatë gjithë ditës në këtë Fakultet, studentët i mbështet edhe stafi akademik për kërkimin e të drejtave tona pa diskriminim dhe selektim.

Më datë 08.11.2019 e PREMTE, kemi bërë thirrje që studentët e kësaj njësie Akademike, të takohemi së bashku para Fakultetit të Arteve, në ora 11:30, më pas do të filloj marshimi drejt Ministrisë së Arsimit, aty ku do ta mbajmë GREVËN një orëshe me qëllim që ti japim mesazhin tjetër se ne nuk ndalemi derisa të merren parasysh kërkesat tona”, thuhet në njoftimin për media.

Më tej në njoftim theksohet se “ministrit në largim, po i tregojmë se ne jemi të vendosur dhe nuk lejojmë që ai të veproj sipas tekeve të tijë, do të vazhdojmë me hapa të tjerë edhe më radikal nëse detyrohemi nga mosreagimi i Ministrit të MASHT-it, për ta ndryshuar dhe plotësuar konkursin për BURSA, dhe ky konkurs të jetë gjithëpërfshirës”. /Telegrafi/