Strander për protestën e serbëve në Jarinë: Wagner e ‘Ujqërit e Natës’ po krijojnë kaos

Ivana Strander e cila është korrespondente e KyivPost, ka komentuar protestën e serbëve në kufirin ndërmjet Kosovë dhe Serbisë.

Në llogarinë e saj në Twitter ajo ka shkruar se Rusia nuk ka nevojë të dërgojë tanke dhe avionë luftarakë në Ballkan.

Strander shtoi se Wagner e ‘Ujqërit e Natës’ po krijojnë kaos.

“Për krizën e Kosovës sot… Rusia ka përfaqësuesit e saj të ekstremit të djathtë, rrjetin e inteligjencës, Wagnerin, Ujqërit e Natës etj., për të krijuar kaos dhe për ta vënë Serbinë në mbrojtje për t’u përgjigjur. Shpresoj se Serbia do të jetë e zgjuar sot”, ka thënë Stradner.

Ndryshe, të dielën është mbajtur një tubim në Jarinje, në anën e territorit serb, i organizuar nga e ashtuquajtura organizata “Atdhetarët serbë nga Serbia, Mali i Zi dhe Republika Serbe”.

Më shumë se 100 pjesëmarrës në këtë tubim nuk janë lejuar nga policia e Serbisë ta kalojnë kufirin për të hyrë në Kosovë.

Shumë prej tyre kanë qenë me maska, ndërsa përveç pankartave dhe flamujve të Serbisë, janë dëgjuar këngë nacionaliste dhe brohoritje “Kosova është Serbi”.

Në mesin e të tubuarve ka pasur edhe shtetas rusë. Pas më shumë se dy orëve ata janë shpërndarë, ndërsa ka pasur përplasje mes protestuesve dhe policisë, si dhe mes vetë grupeve pjesëmarrëse.

On the Kosovo crisis today… Russia doesn’t need to send tanks & fighter aircrafts in the Balkans. Russia has its far right proxies, intel network, Wagner, Night Wolves etc to create chaos & put Serbia on defense to respond. I hope ?? will be smart today.https://t.co/Ap5oAC8rmd

— Ivana Stradner ???? (@ivanastradner) December 18, 2022