Stoltenberg: Raketat e Koresë së Veriut mund të godasin Evropën, por “NATO ka aftësi për t’iu përgjigjur çdo kërcënimi”

Sekretari i Përgjithshëm i NATO-s, Jens Stoltenberg, i cili mbërriti në Korenë e Jugut më 1 tetor, u bëri thirrje anëtarëve të Kombeve të Bashkuara për të zbatuar sanksione kundër Koresë së Veriut.

Ndërkohë, Kina dhe Koreja e Jugut duhet të punojnë së bashku për të bindur Veriun që të heqë dorë nga programi i tij bërthamor.

Siç raportohet nga mediat e huaja, përcjell Telegrafi, Stoltenberg gjithashtu tha se raketat e Koresë së Veriut kanë gamën për të goditur Evropën, por se “NATO ka aftësi për t’iu përgjigjur çdo kërcënimi”.

Sipas shefit të NATO-s, ndërsa aleanca ushtarake nuk është e përfshirë drejtpërdrejt në përpjekjet për të zgjidhur krizën e Koresë së Veriut, ajo “mbështet plotësisht aleatët e saj në rajon”.

Stoltenberg vizitoi Japoninë në 30-31 tetor. Ai u takua me kryeministrin Shinzo Abe i cili premtoi se Tokio do të mbajë presionin mbi Korenë e Veriut.

Ndërkohë, po sipas mediave të huaja, sekretari i Shtetit, Rex Tillerson konfirmoi më 31 tetor se testi i Koresë së Veriut nisi për herë të parë një raketë balistike ndërkontinentale (ICBM).

Dhe ky veprim po vlerësohet si një arritje e madhe ushtarake për Korenë e Veriut dhe një përshkallëzim serioz i tensioneve me Shtetet e Bashkuara dhe aleatët e saj në rajon, veçanërisht Korenë e Jugut dhe Japoninë.

Në përgjigje, Korenë e Jugut tha këtë javë se do të vazhdojë planet e saj për të vendosur platformën e Mbrojtjes (THAAD) për tu kundërvënë kërcënimit të raketave bërthamore të Koresë së Veriut.

Më 17 tetor, Tillerson u zotua të vazhdojë “përpjekjet diplomatike … derisa të bjerë bomba e parë”. /Telegrafi/