Stilistja e njohur kosovare Diana Qerimi ka sjell së fundmi koleksionin e saj më të ri të veshjeve, të titulluar “Sting”
Koleksioni pranverë/verë karakterizohet me ngjyrat e stinës dhe detaje nga insektet.
Në një prononcim për Telegrafin, stilistja Qerimi tregoi më shumë rreth këtij koleksioni, i emëruar në shqip si “Thumb”.
“Sapo kam përfunduar punën për koleksionin tim më të ri të veshjeve pranverë/verë, i cili ka 17 fustane gjithsej, jam fokusuar kryesisht në detajet e insektit të bletës, ndaj dhe e kam titulluar koleksionin ‘Sting (Thumb)”, tha ajo për Telegrafin.
Ndërkohë, prezantimi i koleksionit është bërë gjithashtu në mënyrë të veçantë nga aktorja Ema Uka dhe Nita Krasniqi, me fotografi të realizuara nga Edvina Meta, dhe video të punuar nga Dren Berisha.
Një kujdes shumë të madh duhet kushtuar edhe në përzgjedhjen e ngjyrave për veshjet, ndërsa edhe për këtë pjesë stilistja tregon se ka punuar me përkushtim dhe delikatesë.
“Ngjyrat që kam përzgjedhur për veshjet e koleksionit më të ri janë ngjyrat më trendy të momentit, përkatësisht ngjyrat e lehta të natyrës, të cilat u japin freski veshjeve”, përfundoi Diana Qerimi për Telegrafin.
Disa nga veshjet e koleksionit të ri “Sting” mund t’i shikoni edhe në videon prezantuese, pjesë e së cilës janë Ema Uka dhe Nita Krasniqi. /Telegrafi/
