LAJMI I FUNDIT:

Spiunët e BIA-s bënin plane për incidente ndëretnike në Kosovë

Spiunët e BIA-s bënin plane për incidente ndëretnike në Kosovë

Përpos audios ku dëgjohen duke biseduar i dyshuari për spiunazh Bedri Shabani, me oficerin e BIA-s,  mësohet se Bogoljub Janiceviq, ish-shef i Sekretariatit për Punë të Brendshme në rajonin e Ferizajt, ka qenë personi që i ka vënë në kontakt dy të parët.

“Ti çfarë mendon? Do t’i pyesësh ata tuajt që ta shtyjnë (nxisin), apo do të flenë? Më kupton!”.

Një ditë pas sulmit terrorist në Banjskë, më 25 shtator 2023, përmes telefonit, Bedri Shabani e pyet oficerin e BIA-s serbe, Srgjan Rosiqin se a do të nxisin situatën pas agresionit ku u vra rreshteri Afrim Bunjaku.


Rosiq përmes telefonit, në audiot që i ka publikuar portali “The Geopost” thotë “E shtyjnë, e shtyjnë.. por këta paksa… po presin që këta shokët të zgjohen…”

I arrestuari për spiunazh Bedri Shabani duke iu referuar vetes në shumës, thotë se “… mendojmë që të tjerët ta ngacmojnë tërthorazi, të tjerët ta ndezin, e ne pastaj, t’i vëmë benzinë që të marr flakë edhe më shumë…!

Shabani e vazhdon bisedën me oficerin e BIA-s me prejardhje nga Shtërpca duke i thënë se “kanë dashur t’i nxisin të dyja anët…”

Burimet e RTV Dukagjini brenda institucioneve të sigurisë thonë se me këtë bisedë dhe në takime të tjera është folur për shkaktimin e një incidenti ndëretnik që planifikohej të realizohet në territorin e Kosovës.

Publikohet audio e bisedës në mes të oficerit të BIA-s dhe të dyshuarit për spiuanazh, Bedri Shabani
Lexo po ashtu Publikohet audio e bisedës në mes të oficerit të BIA-s dhe të dyshuarit për spiuanazh, Bedri Shabani

Në komunikimet që i ka siguruar Agjencia e Inteligjencës, Bedri Shabani është dëgjuar duke folur për rastin e Banjskës, e ku e “akuzon” palën serbe për organizim amator të rastit duke thënë se “pse nuk na keni përfshi neve, e din cka bëjmë ne”.

Burimet thonë se e dijnë edhe emrin e personit për të cilin besojnë se ka qenë “mësiti” i kontaktit të Bedri Shabanit me oficerin e BIA-s, Sergjan Rosiq.

Emri i tij është Bogoljub Janiceviq. Ai është bashkë autor i librit “Recaku – e vërteta e plotë”. Janiceviq ka qenë, shef i Sekretariatit për Punë të Brendshme në rajonin e Ferizajt

Sipas informacioenve të televizionit Janiceviq është mik i vjetër i Bedri Shabanit.

Dukagjini ka biseduar me disa persona të këtij rajoni të cilët kanë thënë se Janiceviq dyshohet se është njëri ndër arkitektët kryesorë të Planit të Veprimit të forcave serbe për sulm mbi fshatin Reçak.

Por këtu nuk përfundon historia.

Gashi: Një deputet i Kuvendit të Kosovës është punëtor i BIA-s serbe, edhe AKI e di
Lexo po ashtu Gashi: Një deputet i Kuvendit të Kosovës është punëtor i BIA-s serbe, edhe AKI e di

Bogoljub Janicevicit ka qenë dëshmitar në gjykimin e ndaj kriminelit Sllobodan Millosheviqi. Millosheviq në njërën nga bisedat në këtë proces Janiceviqin e pyet se kush është Srdjan Rosic, që tash dëgjohet në biseda me Bedri Shabanin.

“Srdjan Rosic në atë kohë ishte punëtor operativ i shërbimit të sigurimit departamenti i Ferizajt”, përgjigjet Janiceviq.

Këto nuk janë informacionet e vetme. Bëhet me dije se BIA ka planifikuar që pas arrestimit te të dyshuarve për spiunazh, të shpërndaje një informatë se Serjan Roisic, nuk është më oficer i BIA-së tash e dhjetë vjet. Me këtë informacion ata do të tentonin që të thonë se kinse ai është pensionuar, gjë që nuk është e vërtetë.

Cilat janë dënimet për kryesit e veprës penale "Spiunazh", sipas Kodit Penal të Kosovës?
Lexo po ashtu Cilat janë dënimet për kryesit e veprës penale "Spiunazh", sipas Kodit Penal të Kosovës?

Shabani përmes avokatit të tij, Besnik Berisha ka pretenduar se është edhe dëshmitar në Gjykatën Speciale.

Prokuroria Speciale ka refuzuar të deklarohet lidhur me të dyshuarin për spiunazh me BIA-n.

Në një përgjigje Dukagjinin, zëdhënësi i Prokurorisë së Specializuar, Christopher Bennett, ka refuzuar të japë një përgjigje lidhur me Bedri Shabanin, duke thënë se nuk i komentojnë hetimet e tyre.

Ndërsa në përgjigjen nga Dhomat e Specializuara thuhet se bazuar në të dhënat publike të gjykatës, Bedri Shabani nuk ka dëshmuar para Dhomave të Specializuara të Kosovës. Sipas tyre dëshmitari i parë dëshmoi para Dhomës së Specializuar të Kosovës në vitin 2020.

Bedri Shabani ka qenë zyrtar doganor deri në vitin 2004, ndërkohë Muharrem Qerimi ka qenë zyrtar policor deri para pavarësisë së Kosovës.

Në trend Lajme

Më shumë
Aksion i Prokurorisë dhe Policisë në Prishtinë - bastisje në disa lokacione

Aksion i Prokurorisë dhe Policisë në Prishtinë - bastisje në disa lokacione

Lajme
Tërmet në orët e hershme të mëngjesit në Shqipëri, lëkundje të forta në disa qytete

Tërmet në orët e hershme të mëngjesit në Shqipëri, lëkundje të forta në disa qytete

Lajme
Këshilla se si të mbroheni gjatë shkarkimeve të rrufesë

Këshilla se si të mbroheni gjatë shkarkimeve të rrufesë

Lajme
Osmani takon Hovenierin: Heqja e vizave nga BE-ja për bartësit e pasaportave serbe, vendim negativ për Kosovën

Osmani takon Hovenierin: Heqja e vizave nga BE-ja për bartësit e pasaportave serbe, vendim negativ për Kosovën

Lajme
Tërmeti në Shqipëri, goditja e parë e fuqishme u shoqërua edhe nga dy lëkundje të tjera sizmike

Tërmeti në Shqipëri, goditja e parë e fuqishme u shoqërua edhe nga dy lëkundje të tjera sizmike

Lajme
Me aparatura të avancuara, hapet Spitali i Përgjithshëm “Rezonanca 2”

Me aparatura të avancuara, hapet Spitali i Përgjithshëm “Rezonanca 2”

Elfije Boletini
Kalo në kategori