Ministria e Industrisë, Ndërmarrësisë dhe Tregtisë (MINT), sot do ta organizojë ceremoninë për shënimin e “Ditës Botërore të Inovacionit dhe Kreativitetit”, e cila këtë vit është organizuar nën patronatin e  ministres së Industrisë, Ndërmarrësisë dhe Tregtisë, Rozeta Hajdari.

Shënimi i “Ditës Botërore të Inovacionit dhe Kreativitetit”, do të bëhet sot nga ora 17:00 në Hotel “Emerald” në Prishtinë

“Pjesëmarrës në këtë organizim do të jenë përfaqësues të ambasadave në Kosovë: USAID, GIZ, ADA, përfaqësues të bizneseve, përfaqësues nga UP-ja dhe kolegjet private, shoqatat përfaqësuese të komunitetit të inovacionit dhe ndërmarrësisë, e të tjerë”, thuhet në njoftimin e MINT për media.

Ndryshe, “Dita Botërore e Inovacionit dhe Kreativitetit” ka filluar të shënohet më 21 prill në shumë vende të botës, që nga viti 2001 ndërsa, u zyrtarizua në vitin 2017, me qëllim të nderimit të aktiviteteve krijuese e inovative.